Kalate 3:14 - Tosi Tapu

¹⁴ o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Kalate 3:14 ပူးပေါင်းရင်းမြစ်များ

Senesi 22:18

E tapuakina loa a puleaga fuli o le malama nei i lou sakoga, talie na ke fakalogo ki loku leo.

Esaia 32:15

O kaku ki le aso leia e liligi ai le Laumalie maokioki kia tatou mei aluga, Ti e fetogi ai le toafa ko se faisaga laakau fua, Ti e fai ai le faisaga laakau fua pe se vaomatua.

Esaia 41:8

Kae ko koe, Iselaele, laku tagata fakasausau, Sakopo, leia na kau filifili, Sakoga o Apalaamo leia na kau alofa ki ai !

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:40

E kau fai loa mo latou se sai lee gato, E leaise kau toe mafuli kese loa ia latou, E kau fai loa kia latou le nea leia e malie ; Ti e kau tuku loa ki olatou loto le i kiate au, O tupu ke aua na lotou fakamamao iate au.

Esekiele 11:19

E kau soli loa kia latou se loto e tasi, Ti e kau tuku loa kia koutou se laumalie foou ; E kau too loa i olatou tino le mafu fatu, Ti e kau soli loa kia latou se mafu kanofi,

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Luka 11:13

Kapau loa, ko koutou, ala ko nea agaveli, e kotou poto i le soli o nea malilie ki akoutou fanau, pe feaki ake loa le lasi o le fia soli e le Tamana i Selo o le Laumalie Maokioki kia latou ala e kole ake ia kiate ia.

Luka 24:49

Ko leinei, e kau kakau mai loa kia koutou le nea leia na fakapapau e loku Tamana ; kae ko koutou, kotou nonofo i le kolo o kaku ki lakotou kofu le makeke mei aluga.

Soane 7:39

Na pati a ia o uiga mo le Laumalie Maokioki leia e tonu ke tali e latou ala e tui loa kiate ia ; talie na leikiaise soli le Laumalie Maokioki, o tupu na leikiaise fakakololia Sesu.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Gaoi 4:12

E leaise fakamauli i se tasi kese, talie e leaise se tasi ake igoa i le lalo lagi nei kua soli ki le tagata, leia e tonu ke tou mauli ai.

Gaoi 5:32

Ko matou, e motou fakamaoki ki nea ana, ti mo le Laumalie Maokioki foki, leia kua soli e le Atua kia latou ala e fakalogo kiate ia.

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.

Lua tosi ki le kau Kolinto 1:22

leia kua fakamailoga ia foki tatou, o soli mai kia tatou se fakamaoki, ko le Laumalie i otatou loto.

Kalate 3:16

Ko leinei, na fai a fakapapau kia Apalaamo mo lona sakoga. Na leaise pati : mo ona sakoga, o sakinake na mauke ni sakoga, kae ko le sakoga fai e tasi : ti ki lou sakoga, ko lona uiga kia Kilisito.

Kalate 3:2

Ko leinei fua le nea e tasi leia e kau fia ilo ki ai : Pe na kotou tali le Laumalie Maokioki o tupu ko gaoi o le lao, pe tupu ko le akonaki o le tui ?

Kalate 4:6

Tie talie ko vosa koutou, kua kakau mai e le Atua ki otou loto le Laumalie o lona Alo, leia e kalaga : Apa ! Tamana !

Efeso 2:18

talie iate ia, ko koutou mo matou, e tou maua se uluaga ki le Tamana i se Laumalie e tasi.

Efeso 2:22

Iate ia kua fau foki koutou ke liliu ko se nofoaga o le Atua i le Laumalie.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Petelo 3:9

Aua na kotou totogi le veli ki le veli, pe ko le lauveli ki le lauveli, kae ke kotou tapuaki, talie kua kalagai koutou ki ai, o tupu ke kotou mau tofiga le tapuakina.