Kalate 2:9 - Tosi Tapu

⁹ Ti i lalatou iloa le kalasia leia kua tuku mai kiate au, ko Sakopo, mo Kefasi, ti mo Soane, ala e pati ko pou tafito, na soli ia mai loa kiate au mo Palenapa le lima atamai, o tupu ke ma ano ki le kau lee silikosisio, kae ko latou ki le kau silikosisio.

Kalate 2:9 ပူးပေါင်းရင်းမြစ်များ

Lua tosi o Sau 10:15

I lana mavae mei ai, na felavei loa a ia mo Sonatape, vosa o Lekape, leia na au o fakafelavei mai kiate ia. Na fakamalo loa a Seu kiate ia, o pati : Pe agatonu lou loto, ofaipe le agatonu o loku loto kiate koe ? Ti na tali loa Sonatape : E sako loku loto. Na tali loa a Seu : Kapau e maoki, velo mai lou lima. Na velo loa e Sonatape lona lima kia Seu. Ti na fakaeke loa e Seu a ia ki ona tafa i lana saliote,

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Luka 22:8

Ti na kakau loa e Sesu a Petelo mo Soane, o pati : Kolua ano o teuteui mai kia tatou le Pasikate ke tou kai a ia.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Gaoi 12:17

Ti na siki loa e Petelo lona lima kia latou ke fakalologo, ti na fakamatala loa e ia kia latou lona fakamauli e le Aliki mei le fale pilisoni, ti na pati loa a ia : Kotou fakasa le nea lena kia Sakopo mo fetaina. Ti na ulu loa a ia ki fafo, o ano ki se tasi ake ganea.

Gaoi 15:13

I le oki o lala fakamatala, na masau loa Sakopo, o pati : Tagata fetaina, kotou fakalogo mai kiate au !

Gaoi 15:7

Ti na fai loa se visi lasi, ti na tuu ake loa Petelo ki aluga, o pati kia latou : Tagata fetaina, kua kotou iloa talu mei fualoa kua fai e le Atua se filifili ia koutou, o tupu ke logo le kau pagani ki le folafola o le Evaselio mei loku gutu, ti ke lotou tui.

Gaoi 4:36

Ko Sosefo, leia na fakaigoa e le kau apositolo ko Palenapa, (ko lona uiga ko le vosa o le fakapelepele), tagata Levita, mei le motu ko Sipele,

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 12:3

I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi.

Loma 15:15

Kae, i ni iki a faasiga nea, na kau fai tosi fakamakeke atu kia koutou, o sakinake ke fafagu ai akoutou manatu, o tupu ko le kalasia kua fai e le Atua kiate au,

Uluaki tosi ki le kau Kolinto 15:10

Kae i le kalasia o le Atua, kua kau liliu o feneeki, ti na leaise ano noa lona kalasia kiate au ; mamao ai, na kau gaoi lasi ake ia latou fuli, kae na leaise ko au toka tasi, kae ko le kalasia o le Atua iate au.

Lua tosi ki le kau Kolinto 11:5

Ka e kau fuafua atu e au e leaise kau taulalo ake i se nea i apositolo lalasi ana.

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Lua tosi ki le kau Kolinto 8:4

talie na lotou kole fakamalotoloto mai kia maua le kalasia ke lotou kau ki le tokoi ki le kau sagato i Selusalemi.

Kalate 1:16

ke fakasa lona Alo iate au, o tupu ke kau fakasa a ia i le kau pagani, na leaise kau afa fua se tokoi ki se kanofi mo se toto,

Kalate 1:18

Ti na sili fetuu e tolu, na kau pale loa ki Selusalemi o feiloaaki mo Kefasi, ti na kau nofo i aso e kau agafulu tupu lima i lona kaiga ;

Kalate 2:1

Ti na sili fetuu e kau agafulu tupu fa, na kau toe pale loa ki Selusalemi mo Palenapa, ti na kau ave foki mo Tito.

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Kalate 6:3

Kapau e manatu se tasi ko se tasi a ia, kae ko se nea noa a ia, e kakai e ia a ia totonu.

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:29

Ko le nea lena e kau gaoi foki ki ai, o tau i lona makeke leia e gaoi makeke iate au.

Uluaki tosi kia Timoteo 3:15

kae kapau e kau tuvai atu, ke ke iloa loa le nea leia e tonu ke fai i le fale o le Atua, leia ko le Ekelesia o le Atua mauli, ko le pou, mo le fakatafito, ti mo le taofiaga o le maoki.

Uluaki tosi a Soane 1:3

ko le nea leia na motou tio ki ai ti na motou logo ki ai, e motou fakasa atu a ia kia koutou foki, o tupu ke kotou komunio fakatasi foki mo matou. Ti ko lamatou komunio e fakatasi mo le Tamana mo lona Alo ko Sesu-Kilisito.

Apokalipisi 3:12

Ko leia e malo loa, e kau fakatuu loa a ia ko se fa pou lasi i le fale tapu o loku Atua, ti e leaise toe mavae loa a ia mei ai ; e kau tosi loa iate ia le igoa o loku Atua, ti mo le igoa o le kolo o loku Atua, o le Selusalemi foou leia e ifo mei le lagi mei tafa o loku Atua, ti mo loku igoa foou.