Kalate 2:6 - Tosi Tapu

⁶ Ko latou ala e logologona - e leaise mauiga kiate au olatou anoaga totonu : talie e leaise fakapalatasi le Atua - ko latou ana na logologona na leaise fakamaua ia mai kiate au se nea.

Kalate 2:6 ပူးပေါင်းရင်းမြစ်များ

Sopo 34:19

Leia e leaise tokaga fua ki le mamalu o le kau lalasi, Ti e leaise fakakesekese ia le tagata mou koloa mo le tagata mativa, Talie ko latou fuli ko gaoiaga o ona lima ?

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Maleko 12:14

Ti na lotou au loa, o pati kia Sesu : Pule, e motou iloa e ke maoki, ti e leaise ke tuania ia fua se tasi ; talie e leaise ke tio ki le tagata, ti e ke akonaki ki le ala o le Atua o mulimuli ki le maoki. Pe taga pe leai ke soli le tukusau kia Sesale ? Pe tonu ke motou soli a ia pe leaise tonu ke motou soli a ia ?

Luka 20:21

Na fai loa e latou ana le vesili leinei kiate ia : Pule, e motou iloa e ke masau mo akonaki i le maoki, ti e leaise ke tio ki le nea leia e sa i tafa, kae e ke fakasa le ala o le Atua i le maoki katoa.

Gaoi 10:34

Ti na fakamavaa loa e Petelo lona gutu, o pati : E maoki e kau iloa e leaise filifili lanu le Atua,

Gaoi 5:36

Talie na leikiaise fualoa na sa mai Teotasi, o pati ko se tagata mauiga a ia, ti na kau loa kiate ia se kau tagata, ko tino lelau e fa : Na tamate loa a ia, ti ko latou fuli ala na muli iate ia na mavetevete loa, o pupuli noa.

Loma 2:11

Talie e leaise fakakese e le Atua se tasi i ona mua.

Lua tosi ki le kau Kolinto 11:5

Ka e kau fuafua atu e au e leaise kau taulalo ake i se nea i apositolo lalasi ana.

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Kalate 6:3

Kapau e manatu se tasi ko se tasi a ia, kae ko se nea noa a ia, e kakai e ia a ia totonu.

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Epelo 13:7

Kotou manatui okoutou kau takitaki ala na fakasa ia atu kia koutou le folafola a le Atua ; kotou tio ki le fakaoki o lolatou mauli, ti kotou faifaitaki lalatou tui.

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;