Kalate 2:21 - Tosi Tapu

²¹ E leaise kau fakafiti ki le kalasia o le Atua ; talie kapau e maua le faitotonu i le lao, ti na leaise uiga o le mate o Kilisito.

Kalate 2:21 ပူးပေါင်းရင်းမြစ်များ

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Esaia 49:4

Kae ko au na kau pati : Na leaise aoga o laku gaoi ; Na maumau noa loku makeke talie e leai sona fua ; Kae e fakamaoki le Eteleno kiate au, Ti e nofo le Atua mo loku fakapale.

Selemia 8:8

Pe fefeaki ke kotou pati : E motou popoto, E motou maua le lao a le Eteleno ? E leaise aoga le gaoi a le kau sekelipa, Talie e lotou tosi loi le lao.

Maleko 7:9

Na toe pati foki a ia kia latou : E kotou poto i le tiaki o fakatotonu a le Atua, o tupu ke tausi lakotou talatisio.

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;

Loma 11:6

Ti kapau na filifili i le kalasia ti e leaise koi filifili loa i gaoi ; talie kapau e leaise fenaaki, ko le kalasia e leaise ko se kalasia loa. Ti kapau na filifili i gaoi ti e leaise ko se kalasia loa, talie kapau e leaise fenaaki, ko le gaoi e leaise ko se gaoi loa.

Loma 4:25

leia na tuku ke mate o tupu ko atatou agasala ti kua toe tuuake o tupu ko lotatou fakamatatonu.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Uluaki tosi ki le kau Kolinto 15:14

ti kapau na leaise toe tuuake Kilisito, e ano noa loa lamatou akonaki, ti e ano noa foki mo lakoutou tui.

Uluaki tosi ki le kau Kolinto 15:17

Ti kapau na leaise toe tuuake Kilisito, e leaise aoga lakotou tui, koi kotou nonofo i akoutou agasala,

Uluaki tosi ki le kau Kolinto 15:2

leia foki kua kotou saofaki ai, mo kapau e kotou taofi a ia ofaipe laku akonaki atu a ia kia koutou ; ka leai, na kotou tui noa.

Kalate 2:16

Kae, i le iloa e leaise fakamatatonu le tagata i mua o le Atua ki gaoi o le lao, kae ki le tui kia Sesu-Kilisito, ko tatou foki kua tou tui kia Sesu-Kilisito, o tupu ke fakamatatonu tatou ki le tui kia Kilisito kae leai ki gaoi o le lao, talie e leaise fakamatatonu loa se tasi ki a gaoi o le lao.

Kalate 2:18

Talie, kapau e kau toe fakatuu a nea ala na kau maumaui, e kau fakaliliu a au totonu ko se tagata maumau lao.

Kalate 3:21

Pe fakafesagai le lao ki fakapapau a le Atua ? E leai ai ! Ka na soli mai se lao leia e mafai ke soli ia le mauli, e au maoki loa le faitotonu mei le lao.

Epelo 7:11

Koia kanapau na mafai ke maua le malie tukupau i le tulaga fakapelepitelo o le kau Levi - talie ko le tulaga fakapelepitelo lena e tuu ai le lao leia na soli ki le kakai - kolea na aoga ai loa ke toe sa se tasi ake tagata fai sakilifisio o mulimuli ki le faasiga o Melekiseteke kae leaise mulimuli ki le faasiga o Alone ?