Kalate 1:9 - Tosi Tapu

⁹ Kua motou fakasa a ia i mua, ti e kau toe liuga atu a ia i le ola leinei : Kapau e fakasa atu e se tasi se Evaselio kese kia koutou kae e leaise ko leia kua kotou tali, ke anateme a ia !

Kalate 1:9 ပူးပေါင်းရင်းမြစ်များ

Taagapati 30:6

Aua na ke fakalasi ana folafola ki se nea, Talie na valoki e ia a koe, ti ke maua a koe e loi.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Gaoi 18:23

I le oki o lana nofo i Atiokia i se ga temi, na toe ano loa Paulo ki Kalatia mo Filisia, o fakamakeke le kau tisipulo katoa.

Loma 16:17

E kau fakalotomakeke koutou, fetaina, ke kotou tokaga kia latou ala e fakatupu ia ni fakavaevaega mo ni nea fakatupu siga, o fakatupu veli ki le akonaki kua kotou tali. Kotou fakamamao meia latou ana.

Loma 9:3

Talie e kau fakaamu ake ke kau malaia mo kau motusi meia Kilisito o tupu ko oku fetaina, mo oku matua i le kanofi,

Lua tosi ki le kau Kolinto 1:17

Pe i laku loto ki le nea lena, na kau fai loa se nea fakafuanoa ? Pe ko aku fakatuutuu ko ni fakatuutuu fakatagata, o sakinake e maua iate au le io mo le leai ?

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 4:2

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.

Filipe 3:1

Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.