Kalate 1:6 - Tosi Tapu

⁶ E kau punamauli i lakoutou titua vave ai ki leia na kalagai ia koutou i le kalasia o Kilisito, o fakalaka ki se tasi ake Evaselio.

Kalate 1:6 ပူးပေါင်းရင်းမြစ်များ

Pesalemo 106:13

Kae na lotou galoi vave loa ana gaoiaga, Na leaise lotou talitali loa ki le fakasoko o ana fakatuutuu.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Maleko 6:6

Ti na ofolele a ia ki lolatou tui gataa. Na folii e Sesu a kolo i le takatakai, o akonaki.

Soane 9:30

Na tali loa le tagata lena kia latou : E fakapunamauli ai e leaise kotou iloa pe au a ia meifea ; kae kua fakaala e ia oku mata.

Gaoi 15:11

Kae e tou tui na fakamauli tatou o tupu ko le kalasia o le Aliki Sesu, o tatau mo latou.

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;

Loma 5:2

iate ia kua mafai ai i le tui ke tou ulu ki le kalasia lena, leia e tou tuu makeke i ai, ti e tou fiafia i le amanaki malie ki le kololia o le Atua.

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Loma 8:30

Ti ko latou ala na fakatuutuu fakatomua e ia, na kalagai foki e ia latou ; ti ko latou ala na kalagai e ia, na fakamatatonu foki e ia latou ; ti ko latou ala na fakamatatonu e ia, na fakakololia foki e ia latou.

Uluaki tosi ki le kau Kolinto 4:15

Talie, kapau e kotou maua foki ni pule e tino agafulu afe ia Kilisito, kae e leaise kotou maua ni tamana mauke, talie ko au leia na fanaui ia koutou ia Sesu-Kilisito ki le Evaselio.

Lua tosi ki le kau Kolinto 11:4

Talie, kapau e natu se tasi o fakasa atu kia koutou se tasi ake Sesu i leia kua motou fakasa ia atu, pe kapau e kotou tali se tasi ake laumalie i leia kua kotou tali ia, pe ko se tasi ake Evaselio i leia kua kotou tui ki ai, e kotou kataki malie le tagata lena.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Kalate 1:11

E kau fakapapau atu kia koutou, fetaina, ko le Evaselio leia na kau akonaki ia na leaise au mei se tagata ;

Kalate 1:15

Kae, i le finegalo malie o le Atua, leia na vaei kese ia au i le manava o loku tinana, leia na kalagai ia au i lona kalasia,

Kalate 1:7

Ko le maoki e leaise tasi ake Evaselio, kae e i ai ni iki ala e fakamamae ia koutou, ti e lotou loto ke fetogi le Evaselio a Kilisito.

Kalate 2:14

I laku tio na leaise lotou saele fakasako i le maoki o le Evaselio, na kau pati loa kia Kefasi i mua o latou fuli : Kapau ko koe leia e Sutea, e ke fai o fakatatau ki le aga a le kau pagani, kae leai ki le aga a le kau Sutea, kolea e ke fakamakeke ai le kau pagani ke fai o fakatatau ki le kau Sutea ?

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Kalate 2:5

Kae na leaise motou gaegae fua i se ga temi ia latou, ti na motou taui alatou tonu makeke, o tupu ke taofi le maoki o le Evaselio ia koutou.

Kalate 2:7

Kae, i lalatou tio kua tuku mai kiate au le Evaselio ki le kau lee silikosisio, ofaipe le tuku kia Petelo o leia ki le kau silikosisio -

Kalate 5:14

Talie e fakasoko le lao katoa i se folafola e tasi, leinei : E ke alofa loa ki lou oloi ofaipe lou alofa kiate koe totonu.

Kalate 5:4

Kua kotou mavae ia Kilisito, koutou fuli ala e afa ia le fakamatatonu i le lao ; kua fakaifo koutou mei le kalasia.

Lua tosi ki le kau Tesalonika 2:14

Ko le nea lena na kalagai e ia koutou ki ai i lamatou Evaselio, o tupu ke kotou maua le kololia o lotatou Aliki ko Sesu-Kilisito.

Uluaki tosi kia Timoteo 1:14

ti na lasi ai le kalasia o lotatou Aliki, mo le tui ti mo le alofa leia e maua ia Sesu-Kilisito.

Uluaki tosi kia Timoteo 1:3

E kau toe fakamanatu atu kiate koe le kole leia na kau tuku atu kiate koe i laku mavae i Masetonia : na kau kole atu kiate koe ke ke nofo i Efeso o fakatotonu ki ni iki ke aua na fai ia ni akonaki kese,

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.

Uluaki tosi a Petelo 1:15

Kae, talie ko leia na kalagai ia koutou e maokioki, ko koutou foki, ke kotou maokioki i lokoutou mauli katoa,

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Apokalipisi 22:21

Ke nofo le kalasia o le Aliki Sesu mo koutou fuli !