Kalate 1:16 - Tosi Tapu

¹⁶ ke fakasa lona Alo iate au, o tupu ke kau fakasa a ia i le kau pagani, na leaise kau afa fua se tokoi ki se kanofi mo se toto,

Kalate 1:16 ပူးပေါင်းရင်းမြစ်များ

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 26:41

Kotou alaala ti kotou faikole, ke aua na kotou siga ki le fakasala ; e makeke le laumalie kae gaegae le tino.

Gaoi 22:21

Ti na pati mai loa le Aliki kiate au : Ano, e kau kakau loa a koe ki mamao ki atu puleaga…

Gaoi 5:42

Ti na leaise toe tuku lalatou akonaki mo lalatou fakasa le logo malie o Sesu-Kilisito, i aso fuli, i le fale tapu, ti mo fale fuli.

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Gaoi 9:20

Ti na kamata aifai e ia le fakasa i sinakoka ko Sesu ko le Alo o le Atua.

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 11:13

E kau fakasa atu kia koutou, kau pagani : i loku uiga ko le apositolo o le kau pagani, e kau fakafiafia i laku gaoi fakaapositolo :

Uluaki tosi ki le kau Kolinto 15:50

Ko le nea leia e kau fakasa, fetaina, e leaise feala ke maua e le kanofi mo le toto le puleaga o le Atua, ti e leaise feala ke maua e nea pala a nea lee pala.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Kalate 2:1

Ti na sili fetuu e kau agafulu tupu fa, na kau toe pale loa ki Selusalemi mo Palenapa, ti na kau ave foki mo Tito.

Efeso 3:1

O tupu ko le nea lena, ko au Paulo, ko le tagata pilisoni a Kilisito kia koutou kau pagani…

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Tetelonome 33:9

Na pati a Levi ki lona tamana mo lona tinana : Na leaise kau tio kia laua ! E leaise fakamailoga kese e ia ona fetaina totonu, E leaise iloa e ia ana fanau totonu. Talie e lotou fai au folafola, Ti e lotou taupau lau sai.

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.

Uluaki tosi kia Timoteo 2:7

ti kua fakanofo e ia au ki ai ko se tagata fai akonaki, ti mo se apositolo (e kau fakasa le maoki, e leaise kau loi), ke akonaki ki le kau pagani i le tui mo le maoki.

Lua tosi kia Timoteo 1:11

Ko le Evaselio lena, kua fakanofo au ki ai ko le tagata fai akonaki, mo le apositolo leia e tonu ke ako ia le kau pagani.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;