Gaoi 8:2 - Tosi Tapu

² Na tanu loa e ni tagata lotu malie a Setefano, ti na lotou tagi lasi loa ki lona mate.

Gaoi 8:2 ပူးပေါင်းရင်းမြစ်များ

Senesi 23:2

Na mate loa a Sala i Kiliate-Alepa, leia ko Epelone, i le fenua o Kanaane ; ti na fai loa e Apalaamo le putu o Sala, ti na tagi loa a ia kiate ia.

Senesi 50:9

Ti na toe ano foki mo ia ni saliote, mo ni tagata ekeosi ; ti na api ai le fanoga.

Lua tosi a Samuele 3:31

Na pati loa Tavite kia Soape mo le kakai katoa leia na nofo mo ia : Kotou sae okoutou kofu, kotou tui ni taga ti kotou tagi i mua o Apenele ! Ti na saele loa le sau ko Tavite i muli o le pusa o le mate.

Lua tosi o Koloniko 32:33

Na moe loa Esekiasi mo ona tamana, ti na tanu loa a ia i le ganea taualuga oki o tanuma o vosa o Tavite ; Na fai loa e Suta katoa mo le kakai o Selusalemi ni fakaapaapa kiate ia i lona mate. Ti na sau loa Manase, lona vosa, o fetogi a ia.

Lua tosi o Koloniko 35:25

Na fai loa e Selemia se lau mate o Sosiasi ; na masau a tagata sua fuli mo fafine sua fuli kia Sosiasi i alatou sua o kaku mai ki le aso nei, ti na lotou fakatuu loa a ia ko se agai fenua i Iselaele. Kua tosi a sua ana i tosi o tagi laulau.

Selemia 22:10

Aua na kotou tagi ki leia kua mate, Ti aua na kotou tagi laulau kiate ia ; Kotou tagi, kotou tagi ki leia e ano, Talie e leaise toe liliu mai loa a ia, E leaise toe tio loa a ia ki le fenua leia na tupu ai.

Selemia 22:18

Koia e folafola le Eteleno, o pati kia Sosakimi, vosa o Sosiasi, sau o Suta : E leaise tagi loa kiate ia, o pati : Oiau, loku taina ! Oiau loku tuagaane ! E leaise tagi loa kiate ia, o pati : Oiau, aliki ! Oiau, lona agai !

Numelo 20:29

Na tio loa le fakatasi katoa kua mate Alone, ti na tagi loa le fale katoa o Iselaele kia Alone i aso e kau tolu.

Maleko 6:29

I le logo a tisipulo a Soane ki le nea lena, na lotou au loa o too le tino o Soane-Patita, o tuku ki se tanuma.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Gaoi 10:2

Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Gaoi 2:5

I aso ana, na nonofo i Selusalemi ni kau Sutea, tagata tausi lotu malie, mei puleaga fuli o le malama nei.

Gaoi 8:1

Na loto malie Saulo ki le tamate o Setefano. Na i ai loa, i le aso lena, se fakaveliveli lasi ki le Ekelesia o Selusalemi ; ti na mavetevete loa le kakai katoa i le fenua o Sutea mo Samalia, kae nofo fai le kau apositolo.

Gaoi 8:3

Kae na maumaui e Saulo le Ekelesia ; na ulu a ia ki fale fuli, o toso a tagata mo fafine, o fakaulu ki le fale pilisoni.

Tetelonome 34:8

Na tagi loa kia Moisese a fanau a Iselaele i aso e kau tolu, i le toafa o Moape, o kaku ki le oki o le temi katoa o lona putu.

Uluaki tosi a Samuele 28:3

Kae kua mate loa Samuele ; ti na tagi Iselaele katoa kiate ia, ti na lotou tanu a ia i Lama, i lona kolo. Ti kua oki foki lona too e Saulo mei le fenua latou ala e felogoi mo le kau mate, mo latou ala e fai kikite.