Gaoi 7:3 - Tosi Tapu

³ Mavae i lou fenua mo lou famili, o ano ki le fenua leia e kau fakasa atu loa kiate koe.

Gaoi 7:3 ပူးပေါင်းရင်းမြစ်များ

Senesi 12:1

Na pati loa le Eteleno kia Apalamo : Ano a koe i lou fenua, mo lou puleaga, mo le fale o lou tamana, ki le fenua leia e kau fakasa loa kiate koe.

Senesi 15:7

Na toe pati loa le Eteleno kiate ia : Ko au ko le Eteleno, leia na fakamavae ia a koe mei Ulu i Kaletea, ke soli kiate koe le fenua leinei mo ou.

Senesi 20:13

I le aso leia na fakamavae ai au e le Atua mei le fale o loku tamana, na kau pati kia Sala : Ko leinei le kalasia leia e ke fai loa kiate au : I fenua fuli ala e ta ano loa ki ai, ke ke pati kiate au : ko loku tuagaane.

Neemia 9:8

Na ke iloa loa lona loto na faitotonu i ou mua, na ke fai loa se sai mo ia, ti na ke fakapapau loa ke soli ki lona sakoga le fenua o le kau Kanaane, mo le kau Eti, mo le kau Amole, mo le kau Felesi, mo le kau Sepusi ti mo le kau Kilekasi, ti na ke taupau lau fakapapau, talie e ke faitotonu.

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Luka 14:33

Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.

Gaoi 7:4

Ti na mavae loa a ia mei le fenua o le kau Kaletea, o nofo i Salani. I le oki o le mate o lona tamana, na too loa a ia e le Atua i lena, o aumai ki le fenua leinei e kotou nonofo ai nei.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Epelo 11:8

Ko le tui leia na fakalogo ai loa Apalaamo ki le kalaga a le Atua, ti na ano ai loa a ia ki se fenua leia e tonu ke maua tofiga e ia, ti na ano loa a ia kae na leaise iloa e ia le ganea leia na ano a ia ki ai.

Sosue 24:3

Na kau too loa lokoutou tamana ko Apalaamo i le kauvai o le vaitafe ti na kau fakafoli a ia i le fenua katoa o Kanaane ; na kau soli loa kiate ia se sakoga mauke, ti na kau soli loa kiate ia Isaake.