Gaoi 6:3 - Tosi Tapu

³ Koia, ei fetaina, kotou filifili ia koutou ni tagata e toka fitu, ala e tuku ki ai se fakamaoki malie, ti e apele i le Laumalie Maokioki mo le poto, ti e motou tuku loa kia latou le kavega lena.

Gaoi 6:3 ပူးပေါင်းရင်းမြစ်များ

Ekesote 18:21

Filifili e koe i le kakai katoa ni tagata poto, ni tagata ala e alofa ki le Atua, ni tagata agatonu mo loto sako ti e leaise manumanu ; ti fakanofo loa e koe latou ko ni pule ki le tino afe, mo le tino lelau, mo le tino lima, ti mo le tino agafulu.

Esaia 28:26

Talie na ako e lona Atua kiate ia le saele leia e tonu ke mulimuli ai, Ti na tuku e ia kiate ia ana akonaki.

Esaia 28:6

Ko se laumalie o le faitotonu ki leia e ekeeke i le ekeekeaga o le faitotonu, Ti ko se makeke kia latou ala e kapu ia le fili i mua o matapa o le kolo.

Mateo 23:8

Kae ko koutou, aua na fakaigoa koutou ko Lapi, talie ko se fa toka tasi ko lokoutou Pule, ti ko fetaina fuli koutou.

Soane 21:23

Na mafola loa i ai le masau e leaise toe mate loa le tisipulo lena. Kae na leaise pati Sesu kia Petelo : E leaise mate loa a ia, kae na pati a ia : Kapau e kau loto ke mauli a ia o kaku ki laku toe liliu mai, kolea lona mauiga kiate koe ?

Gaoi 1:15

I aso ana, na fakatasi ai fetaina o fakaano ki le tino lelau tino lua, na tuu loa Petelo ki aluga i lotomalie o latou, o pati :

Gaoi 1:21

Koia, ia latou ala na ano fakatasi mo matou i le temi katoa leia na feanoaki ai le Aliki Sesu mo matou,

Gaoi 10:22

Ti na lotou tali loa : Ko Kolenelio, ko se setulio Loma, tagata agatonu mo alofa ki le Atua, leia kua fakamaoki ki ai le puleaga katoa o le kau Sutea, na fakasa kiate ia e le Atua i lana aselo maokioki ke aumai a koe ki lona fale, ke logo a ia ki au folafola.

Gaoi 15:23

Ti na lotou fakatoo loa kia latou se tosi kua fai feneeki : Ko le kau apositolo, mo le kau fakamatuatua, ti mo fetaina, fakaalofa atu ki fetaina i le kau pagani, kia latou ala e nonofo i Atiokia, mo Silia, ti mo Silisia !

Gaoi 16:2

Ti na fakamaoki malie kiate ia a fetaina i Lisite mo Ikone.

Gaoi 2:4

Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Gaoi 22:12

Kae na i ai se tagata na igoa ko Ananiasi, tagata tausi malie ki le Atua o mulimuli ki le lao, ti na fakamaoki malie fuli kiate ia le kau Sutea leia na nofo i Tamaso,

Gaoi 28:14

leia na motou maua ai loa ni fetaina, ti na lotou kole mai loa ke motou nonofo i ni aso e fitu mo latou. Ti na motou mavae loa i ai, o ano ki Loma.

Gaoi 6:2

Na tanaki loa e le tino agafulu tupu lua le kau tisipulo fuli, o pati : E leaise tonu ke motou tiaki le folafola a le Atua kae motou tokaga ki laupapa.

Gaoi 6:5

Ti na malie loa le manatu lena ki le Ekelesia katoa. Na lotou filifili loa Setefano, tagata na apele i le tui mo le Laumalie Maokioki, mo Filipo, mo Polokole, mo Nikanole, mo Timone, mo Palemenasi, mo Nikola ko se poloselita mei Atiokia.

Gaoi 6:6

Na lotou ave loa latou ana ki mua o le kau apositolo. Ti na oki loa lalatou faikole, na lotou teki loa olatou lima kia latou.

Gaoi 9:30

I le iloa loa e fetaina o le nea lena, na lotou ave loa a ia ki Sesalea, o kakau a ia ke ano ki Talese.

Uluaki tosi ki le kau Kolinto 12:8

Talie kua soli e le Laumalie ki le tasi se masau o le poto ; ki se tasi ake se masau o le iloa i le Laumalie fuai e tasi ;

Uluaki tosi ki le kau Kolinto 16:3

Ti ka kau kaku atu loa, e kau kakau ia loa mo ni tosi, ke ave ia okoutou nea alofa ki Selusalemi, latou ala e kotou loto loa ki ai.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Tetelonome 1:13

Kotou too i okoutou faasiga ni tagata poto, mo atamai, mo iloa, ti e kau fakanofo loa latou ke takitaki kia koutou.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Tolu tosi a Soane 1:12

Kua fakamaoki malie kia Temetiliusi le kakai fuli, ti mo le maoki foki ; ti ko matou foki, e motou fakamaoki kiate ia, ti e ke iloa e maoki lamatou fakamaoki.