Gaoi 5:3 - Tosi Tapu

³ Na pati loa Petelo kiate ia : Ananiasi, kolea kua ke tuku ai Satana ke fakaapele ia lou loto, o tupu ai lau loiloisi le Laumalie Maokioki, ti mo lau taofi se potu o le paaga o le kele ?

Gaoi 5:3 ပူးပေါင်းရင်းမြစ်များ

Sopo 22:13

Ti e ke pati : Kolea le nea e iloa e le Atua ? Pe mafai ke fakamaaui e ia i le matotolu o ao ?

Taagapati 20:25

Ko se masele ki le tagata lana fakanoai se fakapapau tapu, Ti mo lana fakakaukau ki muli kae kua fai lana fakapapau !

Ekelesiasi 5:4

E malie ake kiate koe ke aua na ke fai se fakapapau, i lau fai se fakapapau kae e leaise ke fai.

Esaia 29:15

Malaia kia latou ala e fufu ia alatou fakatuutuu, Ke aua na tio ki ai le Eteleno, Malaia kia latou ala e fai ia alatou gaoi i le fakapouli, O pati : Ko ai e tio mai kia tatou ti ko ai e iloa ia tatou ?

Selemia 23:24

Pe tuu loa se tasi i se ganea munia, Kae leaise kau tio kiate ia ? e pati le Eteleno. Pe leaise kau fakaapele ia a atu lagi mo le kele ? e pati le Eteleno.

Numelo 30:2

Na masau loa Moisese ki pule o faasiga o Iselaele, o pati : Ko leinei le nea leia e fakatotonu e le Eteleno.

Mateo 13:19

Ka logo se tagata ki le folafola o le Puleaga kae e leaise matala a ia ki ai, e au le pule veli o too le nea leia na muluki i lona loto : Ko le tagata lena leia na tali ia le fakaili i tafatafa o le ala.

Luka 22:3

Kae, na ulu loa Satana kia Sutasi, na fakaigoa ko Isekaliote, leia na kau ki le tino agafulu tupu lua.

Soane 13:2

I le lolotoga o le kai afiafi, kua tuku e le temonio ki le loto o Sutasi Isekaliote, vosa o Simone, le manatu ke fakatau a ia,

Soane 13:27

I le temi fai leia na soli ai le potu pane, na ulu loa Satana kia Sutasi. Ti na pati loa Sesu kiate ia : Ko le nea leia e ke fai, fai a ia ke vave.

Gaoi 5:2

ti na taofi loa e ia se potu o le paaga, o iloa a ia e lona avaga ; ti na ave loa e ia le toe o le paaga, o tuku ki vae o le kau apositolo.

Gaoi 5:4

Kanapau na leaise ke fakatau a ia, koi ke nofo fai mo lou kele ? Ti i le oki o lona fakatau, pe na leaise ke faitalisa ki lona totogi ? Kolea kua ke mafai ai ke ke tuku ki lou loto se fakatuutuu fenaaki ? Na leaise ke loi ki ni tagata, kae ki le Atua.

Gaoi 5:9

Ti na pati loa Petelo kiate ia : Kolea kua kolua fia asiasii ai le Laumalie o le Aliki ? Ko nei latou ala na tanu ia lou avaga kua tutuu i le matapa, ti e lotou toe fata loa a koe ki fafo.

Tetelonome 23:21

Kapau e ke fai loa se fakapapau ki le Eteleno, lou Atua, ti ke aua na ke tuvai loa i lona fai ; talie e afa atu loa e le Eteleno, lou Atua, a ia kiate koe, ti e ke maua ia loa se agasala.

Sakopo 4:7

Koia kotou fakataulalo ki le Atua ; kotou tekei le Tiapolo, ti e sola mamao loa a ia meia koutou.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.