Gaoi 5:2 - Tosi Tapu

² ti na taofi loa e ia se potu o le paaga, o iloa a ia e lona avaga ; ti na ave loa e ia le toe o le paaga, o tuku ki vae o le kau apositolo.

Gaoi 5:2 ပူးပေါင်းရင်းမြစ်များ

Malakia 1:14

Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Mateo 23:5

E lotou fai alatou gaoi fuli ke tioi e tagata. Koia e lotou ave ai ni tukuaga tosi laulalasi, ti mo ni tapai kie loloa i olatou kofu.

Soane 12:6

Na pati a ia ki le nea lena, o leaise tupu na mamae a ia ki le kau mativa, kae tupu ko se tagata kaia a ia, ti e i lana taupau le kisi paaga, na tau too e ia le nea leia na tuku ki ai.

Gaoi 2:44

Ko latou fuli ala na tui na nonofo i se ganea e tasi, ti na lotou maua fakatasi a nea fuli.

Gaoi 4:37

na fakatau ia loa se faisaga leia na maua e ia, ti na aumai loa e ia le paaga, o tuku ki vae o le kau apositolo.

Gaoi 5:1

Kae ko se tagata na igoa ko Ananiasi, mo lona avaga ko Safila, na fakatau ia loa se kele,

Gaoi 5:3

Na pati loa Petelo kiate ia : Ananiasi, kolea kua ke tuku ai Satana ke fakaapele ia lou loto, o tupu ai lau loiloisi le Laumalie Maokioki, ti mo lau taofi se potu o le paaga o le kele ?

Gaoi 5:8

Ti na pati loa Petelo kiate ia : Fakasa mai, pe ko le gatoaga fai leinei o le totogi o le kele ? Ti na tali loa a ia : E io, ko lona totogi a ia.

Filipe 2:3

Aua na kotou fai se nea i se loto fakatautau pe i se loto fia sa, kae i le loto agamalu ke kotou tio ki la ake o sakinake e lotou taualuga ake ia koutou totonu.

Uluaki tosi kia Timoteo 6:10

Talie ko le manumanu paaga ko se aka a ia o veli fuli ; ti ko ni iki, i lalatou maua le nea lena, kua lotou sese o mamao mei le tui, ti kua vivilo latou totonu ki ni mamae lasi.