Gaoi 27:3 - Tosi Tapu

³ I leia ake a aso, na motou tau loa ki Sitone ; ti ko Suliusi, leia na tokaga fakamalielie kia Paulo, na fakataga ia loa ke ano a ia ki ona kaukau nea ti ke lotou tokaga kiate ia.

Gaoi 27:3 ပူးပေါင်းရင်းမြစ်များ

Senesi 10:15

Na fakatupu loa e Kanaane a Sitone, ko lona uluaki, mo Eti ;

Senesi 49:13

Ko Sapulone, e nofo loa a ia i le mata tai, E nofo loa a ia i le taulaga o vaka, Ti e kaku loa lona kele ki Sitone.

Esaia 23:12

Na pati a ia : Taine o Sitone, taupoou kua maumaui ! E leaise ke toe fakafiafia loa. Ti kapau e ke tuu loa ki aluga, o ano ki le fenua o Kitimi, E leaise ke maua ai foki se maloloaga.

Sakalia 9:2

E tuu foki a ia i Amate, i le koiga mo Tamaso, I Tile mo Sitone, logo ai lola poto lasi.

Mateo 11:21

Malaia kiate koe, Kolasini ! Malaia kiate koe, Petesaita ! Talie, kanapau na fai a milakulo ala na fai i loto malie o koutou i Tile mo Sitone, kua fualoa ake lolatou fakasemala, o too le taga mo le mugalafu.

Gaoi 12:20

Na nofo Elote mo se ita lasi ki kakai o fenua ko Tile mo Sitone. Kae na lotou loto tasi loa ke lotou ano kia Elote ; ti na lotou maua loa Palasetusi, ko le tagata leo o le kogafale o le sau ; ti na lotou kole loa le tokamalie kia Elote, talie na mauli olatou fenua mei le fenua o le sau.

Gaoi 24:23

Ti na fakatotonu loa e ia ki le setulio ke leoleo Paulo, o tuku kiate ia ke evaeva, ti ke aua na taofi ona kaukau nea ke tausi kiate ia.

Gaoi 27:1

Ti kua tonu loa ke motou ano vaka ki Italia, na tuku loa Paulo mo ni iki ake tagata pilisoni ki se setulio na igoa ko Suliusi, mei le kau solia a Aukusito.

Gaoi 27:43

Kae na taofi loa latou e le setulio, leia na loto ke fakamauli ia Paulo. Ti na fakatotonu loa e ia kia latou ala e poto i le kakau ke uluaki sopo ki le tai, o kakau ki uta,

Gaoi 28:16

I lamatou kaku ki Loma, na fakataga loa kia Paulo ke nofo i sona nofoaga toka tasi, mo le tagata solia leia na leo kiate ia.

Sosue 19:28

ti na soko atu loa a ia i Epelone, mo Leopi, mo Amone ti mo Kana, o fakaoki loa ki tafa o Sitone lasi.