Gaoi 2:5 - Tosi Tapu

⁵ I aso ana, na nonofo i Selusalemi ni kau Sutea, tagata tausi lotu malie, mei puleaga fuli o le malama nei.

Gaoi 2:5 ပူးပေါင်းရင်းမြစ်များ

Ekesote 23:16

E ke taupau loa le aso o le Penikosite, o uluaki fua o lau gaoi, o le nea leia na ke muluki i lau faisaga ; ti mo le aso o le tanaki o fua o le kele, i le fakaoki o le fetuu, i le temi leia e ke tanaki ai loa a fua o lau gaoi i faisaga.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Sakalia 8:18

Na fakasa loa le folafola a le Eteleno o kau tau kiate au, o pati :

Mateo 24:14

E fakamafola loa le logo malie leinei o le puleaga i le malama nei katoa, ke fakamaoki ki puleaga fuli. Ti o soko mai loa le aso fakamuli.

Luka 17:24

Talie, ofaipe le uila e tapa mei le tasi potu lagi o fakamalama le tasi potu lagi, e toe fenaaki loa le Vosa o le tagata i lona aso.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Luka 24:18

Ti na tali loa kiate ia se tasi o laua, na igoa ko Keleopasi : Pe ko koe toka tasi i Selusalemi nei e leaise iloa ia le nea leia na soko i aso anei ? Ti na pati loa Sesu kia laua : Kolea le nea ?

Soane 12:20

Ko ni Keleka, ia latou ala na pale ki Selusalemi o atolasio i le aso lasi,

Gaoi 10:2

Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Gaoi 10:7

I le mavae a le aselo leia na masau kiate ia, na kalagai loa e Kolenelio se toka lua i ana tagata fakasausau, ti mo se tagata solia agatonu ia latou ala na tausi kiate ia ;

Gaoi 13:50

Kae na fakavelii loa e le kau Sutea a fafine aliki ala na lotu sutea, mo tagata mauiga o le kolo. Ti na lotou lagai loa se fakaveliveli kia Paulo mo Palenapa, ti na lotou kapu loa laua i lolatou fenua.

Gaoi 2:1

I le aso lasi o le Penikosite, na lotou fakatasi fuli i se ganea e tasi.

Gaoi 22:12

Kae na i ai se tagata na igoa ko Ananiasi, tagata tausi malie ki le Atua o mulimuli ki le lao, ti na fakamaoki malie fuli kiate ia le kau Sutea leia na nofo i Tamaso,

Gaoi 8:2

Na tanu loa e ni tagata lotu malie a Setefano, ti na lotou tagi lasi loa ki lona mate.

Gaoi 8:27

Na tuu loa a ia ki aluga, o ano. Ti ko leinei, ko se tagata Etiopia, ko se enuke, minisi a Kanetase, fafine sau o Etiopia, na tokaga ki ona koloa fuli, ti na pale a ia ki Selusalemi o atolasio i le fale tapu,

Tetelonome 2:25

I le aso nei e kau kamata fakamafola loa le i mo le fakaapaapa kiate koe i puleaga fuli o le lalo lagi. Ka lotou logo loa ki le masau kiate koe, ti e lotou lulu loa i le i mo le tuania i ou mua.

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.