Gaoi 2:4 - Tosi Tapu

⁴ Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Gaoi 2:4 ပူးပေါင်းရင်းမြစ်များ

Lua tosi a Samuele 23:2

E masau le Laumalie o le Eteleno iate au, Ti e teki lana folafola i loku alelo.

Esaia 28:11

Io, i ni tagata e laugutu valelea Ti e masau faikese, E folafola ai loa le Eteleno ki le kakai leinei.

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Selemia 6:11

Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Esekiele 3:11

Ano ki le kau popula, ki fanau o lou kakai ; e ke masau loa kia latou, tatau aifai pe lotou fakalogo pe leaise lotou fakalogo, kae e ke pati loa kia latou : Ko leinei le folafola a le Aliki, le Eteleno.

Mikea 3:8

Kae ko au, e kau apele i le makeke, i le Laumalie o le Eteleno ; E kau apele i le faitotonu ti mo le loto makeke, Ke fakasa kia Sakopo lana agaveli, Kia Iselaele lana agasala.

Mateo 10:19

Kae ka fakatau loa koutou, aua na kotou tuania ia pe feaki loa lakoutou masau, ti kolea loa lakoutou masau : E tuku atu loa kia koutou le nea leia e tonu ke kotou fakasa i lona ola totonu ;

Maleko 16:17

Ti ko nei a milakulo ala e soko loa kia latou ala e tui loa : E lotou kapu loa a temonio i loku suafa ; e lotou masau loa i ni masau foou ;

Luka 1:15

Talie e lasi loa a ia i mua o le Aliki. E leaise inu loa e ia se vino, pe ko se kava makeke, ti e apele loa a ia i le Laumalie Maokioki mei le manava o lona tinana ;

Luka 1:41

I le logo fai a Elisapeta ki le fakaalofa a Malia, na soposopo loa lona toe i lona manava, ti na apele loa Elisapeta i le Laumalie Maokioki.

Luka 1:67

Na apele loa lona tamana ko Sakalia i le Laumalie Maokioki, ti na folafola fakakikite loa a ia, o pati :

Luka 12:12

talie e ako atu loa e le Laumalie Maokioki kia koutou i le temi fai lena le nea leia e tonu ke kotou masau ki ai.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Luka 4:1

Na toe liliu loa Sesu mei le Solotane, kua apele i le Laumalie Maokioki, ti na taki loa a ia e le Laumalie Maokioki ki le toafa.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Soane 20:22

I le oki o folafola ana, na pupusi loa a ia kia latou, o pati kia latou : Kotou tali le Laumalie Maokioki.

Gaoi 1:5

Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 10:46

Talie kua lotou logo kia latou e masau i masau kesekese, o fakakololia ki le Atua.

Gaoi 10:47

Ti na pati loa Petelo : Pe mafai ke taofi le vai o le papitema kia latou ala kua tali ia le Laumalie Maokioki ofaipe tatou ?

Gaoi 11:15

Koi kamata laku masau, kae kua ifo loa le Laumalie Maokioki kia latou ofaipe lana ifo kia tatou i le kamataaga.

Gaoi 11:24

Talie ko se tagata malie a ia, mo apele i le Laumalie Maokioki mo le tui. Ti na tafoki ki le Aliki se kakai toka api ai.

Gaoi 13:52

kae na apele le kau tisipulo i le fiafia ti mo le Laumalie Maokioki.

Gaoi 13:9

Koia na apele ai loa Saulo, leia foki ko Paulo, i le Laumalie Maokioki, ti na tio fakamaumau loa a ia kiate ia, o pati :

Gaoi 15:8

Ti ko le Atua, leia e iloa ia a loto, na fakamaoki kia latou, o soli le Laumalie Maokioki kia latou ofaipe tatou ;

Gaoi 19:6

I le teki loa e Paulo ona lima kia latou, na ifo loa le Laumalie Maokioki kia latou, ti na lotou masau loa ki ni masau kesekese, ti na lotou kikite loa.

Gaoi 2:11

mo le kau Kelete mo le kau Alape. Pe feaki e tou logo ai kia latou e masau ia tou masau ki nea fulumalilie a le Atua ?

Gaoi 2:3

Ti ko ni alelo, ofaipe ni alelo afi, na sa loa kia latou, ti na ifo loa kia latou taki toka tasi.

Gaoi 4:31

I le oki o lalatou faikole, na galulu loa le ganea leia na lotou fakatasi ai ; ti na lotou apele fuli loa i le Laumalie Maokioki, ti na lotou fakasa loa le folafola a le Atua i le makeke katoa.

Gaoi 4:8

Ti ko Petelo, na apele i le Laumalie Maokioki, na pati loa kia latou : Kau pule o le kakai, mo kau fakamatuatua o Iselaele,

Gaoi 6:3

Koia, ei fetaina, kotou filifili ia koutou ni tagata e toka fitu, ala e tuku ki ai se fakamaoki malie, ti e apele i le Laumalie Maokioki mo le poto, ti e motou tuku loa kia latou le kavega lena.

Gaoi 6:5

Ti na malie loa le manatu lena ki le Ekelesia katoa. Na lotou filifili loa Setefano, tagata na apele i le tui mo le Laumalie Maokioki, mo Filipo, mo Polokole, mo Nikanole, mo Timone, mo Palemenasi, mo Nikola ko se poloselita mei Atiokia.

Gaoi 6:8

Na apele Setefano i le tui mo le makeke, ti na fai e ia ni nea fakaofolele mo ni milakulo lalasi i mua o le kakai.

Gaoi 7:55

Kae na apele loa Setefano i le Laumalie Maokioki, o tio fakamaumau ona mata ki le lagi, ti na tio loa a ia ki le kololia o le Atua, ti mo Sesu e tuu i le fetuu atamai o le Atua.

Gaoi 8:17

Koia na teki loa e Petelo mo Soane ola lima kia latou, ti na lotou tali loa le Laumalie Maokioki.

Gaoi 9:17

Ti na ano loa Ananiasi ; ti i lana kaku loa ki le fale, na teki loa e ia ona lima kia Saulo, o pati : Saulo, loku taina, ko le Aliki Sesu, leia na sa kiate koe i le ala leia na ke au ai, na kakau ia mai au, o tupu ke toe tio ou mata ti ke ke apele i le Laumalie Maokioki.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Uluaki tosi ki le kau Kolinto 12:10

Ki se tasi ake, le nea alofa o le fai milakulo ; ki se tasi ake, le fai kikite ; ki se tasi ake, le iloa o laumalie ; ki se tasi ake, a masau kesekese ; ki se tasi ake, le fakamatala o pati.

Uluaki tosi ki le kau Kolinto 13:1

Kapau e kau masau loa i pati a tagata mo le kau aselo, kae e leaise kau maua le alofa, kua kau tatau mo se fa pele leia e tagi, pe ko se fa nafa leia e gugulu.

Uluaki tosi ki le kau Kolinto 13:8

E leaise puli le alofa i se aso. E gato loa a kikite, e gato loa a masau kesekese, e gato loa le iloa.

Uluaki tosi ki le kau Kolinto 14:18

E kau fakafetai ki le Atua i laku masau i masau kesekese o lasi ake ia koutou fuli,

Uluaki tosi ki le kau Kolinto 14:5

E kau fakaamu ke kotou masau fuli i masau kesekese, kae e toe malie ake ke kotou kikite. E lasi ake leia e kikite i leia e masau i masau kesekese, mo kapau e fakamatala e ia lana masau ke faufau ai le Ekelesia.

Efeso 3:19

ti ke kotou iloa le alofa o Kilisito, leia e fakalaka i iloa fuli, o tupu ke kotou apele o kaku ki le apeleaga katoa o le Atua.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Efeso 6:18

Kotou fai i temi fuli i le Laumalie a kole kesekese fuli ti mo ni tagi. Kotou tokaga ki le nea lena mo se kataki fualoa katoa, ti kotou ulufaki le kau sagato fuli.

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Lua tosi a Petelo 1:21

talie na leaise folafola fua e tasi na tuku mei se finegalo o le tagata, kae na ekenaki e le Laumalie maokioki ni tagata ke lotou masau mei le Atua.

Uluaki tosi a Samuele 1:14

ti na pati loa a ia kia Ana : E ke kona loa o kaku kiafea ? Tuku ke puli lou vino.

Uluaki tosi a Samuele 10:10

I le temi leia na la kaku ai ki Kipea, ko leinei, na au loa se kau polofeta o fakafelavei mai kiate ia. Na too loa a ia e le Laumalie o le Atua, ti na folafola fakakikite loa a ia mo latou.