Gaoi 2:1 - Tosi Tapu

¹ I le aso lasi o le Penikosite, na lotou fakatasi fuli i se ganea e tasi.

Gaoi 2:1 ပူးပေါင်းရင်းမြစ်များ

Lua tosi o Koloniko 30:12

I Suta foki na gaoi le lima o le Atua o soli kia latou se loto tasi, ke lotou fai le fakatotonu a le sau mo le kau pule, o mulimuli ki le folafola a le Eteleno.

Lua tosi o Koloniko 5:13

na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.

Pesalemo 133:1

Katiko o le fanoga tapu. A Tavite. Ko leinei, io ! e malie ai, e fakafimalie ai Ki ni fetaina ke nonofo fakatasi !

Ekesote 23:16

E ke taupau loa le aso o le Penikosite, o uluaki fua o lau gaoi, o le nea leia na ke muluki i lau faisaga ; ti mo le aso o le tanaki o fua o le kele, i le fakaoki o le fetuu, i le temi leia e ke tanaki ai loa a fua o lau gaoi i faisaga.

Ekesote 34:22

E ke taupau loa le aso o le Penikosite, le aso o le temi tanaki o uluaki fua o le fulumeto, ti mo le aso o le tanaki o fua i le fakaoki o le fetuu.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Sofoni 3:9

I le aso lena, e kau soli loa ki kakai ni laugutu mea, O tupu ke lotou fetapa fuli ki le suafa o le Eteleno, Ti ke lotou tausi kiate ia i se loto e tasi.

Gaoi 1:5

Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 2:46

Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie,

Gaoi 20:16

Ti na fakatotonu loa e Paulo ke tuku a Efeso, o tupu ke aua na puli se temi i Asia ; talie na fakavilivili a ia ke kaku ki Selusalemi i mua o le Penikosite, mo kapau na feala.

Gaoi 4:24

I lalatou logo ki le fakamatala lena, na lotou siki ake loa ki le Atua olatou leo, e latou fuli fakatasi, o pati : Aliki, ko koe leia na fakatupu ia le lagi, mo le kele, mo le tai, mo nea fuli ala e maua i ai,

Gaoi 4:31

I le oki o lalatou faikole, na galulu loa le ganea leia na lotou fakatasi ai ; ti na lotou apele fuli loa i le Laumalie Maokioki, ti na lotou fakasa loa le folafola a le Atua i le makeke katoa.

Gaoi 4:32

Na loto tasi mo laumalie tasi latou fuli ala na tui. Ti na leaise pati se tasi ko nea ala e maua e ia ko ana nea, kae na fakatasi alatou nea fuli.

Gaoi 5:12

Na fai e le lima o le kau apositolo ni milakulo mo ni nea fakaofolele i mua o le kakai. Na lotou tutuu fuli fakatasi i le Poletike o Salomone,

Loma 15:6

o tupu ke kotou fakatasi fuli, i se loto e tasi mo se leo e tasi, o fakavikiviki ki le Atua ti mo le Tamana o lotatou Aliki ko Sesu-Kilisito.

Uluaki tosi ki le kau Kolinto 16:8

Kae e kau nofo loa i Efeso o kaku ki le Penikosite ;

Filipe 1:27

Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Filipe 2:2

kotou fakakatoa loku fiafia, o kotou maua se manatu loto e tasi, mo se alofa e tasi, mo se laumalie e tasi, ti mo se manatu e tasi.