Gaoi 13:2 - Tosi Tapu

² I le lolotoga o lalatou tausi ki le Aliki i lalatou gaoi ki le folafola ti mo le sesunio, na pati loa le Laumalie Maokioki : Kotou vaei kese kiate au a Palenapa mo Saulo ki le gaoi leia kua kau kalagai laua ki ai.

Gaoi 13:2 ပူးပေါင်းရင်းမြစ်များ

Uluaki tosi o Koloniko 16:4

Na tuku loa e Tavite ki ni iki o le kau Levi ke tausi i mua o le aleka o le Eteleno, ke fakamanatu, mo fakafetai, mo fakavikiviki ki le Eteleno, le Atua o Iselaele.

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Mateo 17:21

Ti koi mavae le faasiga temonio lena i le faikole mo le sesunio.

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 9:38

Kotou kole ki le pule o le fuata ke kakau ni tagata gaoi ki lana fuata.

Luka 10:1

I le sili o le nea a ia, na filifili loa e le Aliki ni iki ake tisipulo e tino fitu, ti na kakau loa e ia latou taki toka lua i ona mua ki kolo fuli ti mo ganea fuli ala kua tonu ke ano a ia totonu ki ai.

Luka 2:37

Na nofo lokonui a ia o kaku ki lona fetuu kau valu tupu fa, ti na leaise mavae a ia i le fale tapu, ti na tausi a ia ki le Atua i le po mo le ao i le sesunio mo le faikole.

Gaoi 10:19

I le fakakaukau a Petelo ki le nea leia na tio ki ai, na pati loa le Laumalie kiate ia : Ko nei ni tagata e toka tolu e afa ia a koe ;

Gaoi 10:30

Ti na pati loa Kolenelio : Kua aso fa nei loa, i le ola leinei, na kau faikole i loku fale i le vae ola tolu sili lalatea ; ti ko leinei, na tuu mai loa ki oku mua se tagata kua teu gigila, o pati :

Gaoi 13:3

Koia, i le oki o lalatou sesunio mo lalatou faikole, na lotou teki loa olatou lima kia laua, ti na lotou tuku loa laua ke ano.

Gaoi 13:4

Ko Palenapa mo Saulo, ala na kakau e le Laumalie Maokioki, na ifo loa ki Selesia, ti na la sopo loa i ai ki se vaka, o ano ki le motu ko Sipele.

Gaoi 14:26

Mei ai na la eke loa ki se vaka, o toe ano ki Atiokia, le kolo leia na tuku ai laua ki le kalasia o le Atua o uiga mo le gaoi leia kua la fakasoko.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Gaoi 22:21

Ti na pati mai loa le Aliki kiate au : Ano, e kau kakau loa a koe ki mamao ki atu puleaga…

Gaoi 4:36

Ko Sosefo, leia na fakaigoa e le kau apositolo ko Palenapa, (ko lona uiga ko le vosa o le fakapelepele), tagata Levita, mei le motu ko Sipele,

Gaoi 6:4

Ti ko matou, e motou soko atu loa lamatou tokaga ki le faikole ti mo le gaoi o le folafola.

Gaoi 8:29

Na pati loa le Laumalie kia Filipo : Ano o fakafeofi ki le saliote lena.

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Loma 1:1

Paulo, tagata fakasausau a Sesu-Kilisito, kua filifili ke apositolo, ti kua vaei kese ki le fakasa o le Evaselio a le Atua -

Loma 10:15

Ti e feaki loa ke maua ni tagata fai akonaki, mo kapau e leaise kakau latou ? Ofaipe lona tuu i le Tosi : E lotou fulumalilie ai Avae o latou ala e fakasa ia le tokamalie Olatou ala e fakasa ia ni logo malilie.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Uluaki tosi ki le kau Kolinto 12:11

Ko se Laumalie fuai e tasi leia e fai ia a nea fuli ana, ti mo tufa ia latou ki le tagata taki toka tasi o mulimuli ki lona finegalo.

Uluaki tosi ki le kau Kolinto 7:5

Ke aua na kolua fefakafitiaki ia koulua, gato fai mo kapau kua kolua loto tasi ki ai i se ga temi ikiiki, o tupu ke kolua tokaga ki le faikole ; kae ka oki a ia, ke kolua toe liliu o fakatasi, talie na fakasalai koulua e Satana i lokoulua sala tataofi.

Lua tosi ki le kau Kolinto 11:27

Na kau fai ni gaoi pakia mo mamae, o tau mo ni alaala pouli lasi ai, mo le fia kai, mo le fia inu, mo ni sesunio liuliuga, mo le momoko, ti mo le mativa.

Lua tosi ki le kau Kolinto 6:5

i sasa, i pilisoni, i maveuveu, i gaoi pakia, i alaala pouli, i sesunio ;

Kalate 1:15

Kae, i le finegalo malie o le Atua, leia na vaei kese ia au i le manava o loku tinana, leia na kalagai ia au i lona kalasia,

Efeso 3:7

leia kua kau liliu ko lona tagata gaoi, o mulimuli ki le nea alofa o le kalasia o le Atua, leia na soli mai kiate au i le gaoi makeke o lona mafimafi.

Tetelonome 10:8

I le temi lena, na vaei kese loa e le Eteleno le faasiga o levi, ti na fakatotonu loa e ia kiate ia ke amo le aleka o le sai a le Eteleno, ke tuu i mua o le Eteleno o tausi a ia, ti mo tapuaki ki le kakai i lona suafa : leia na fai loa e ia o kaku mai ki le aso nei.

Kolose 4:17

Ti kotou pati kia Alikipe : tokaga ki le gaoi leia kua ke tali mei le Aliki, o tupu ke ke fai fakamalotoloto a ia.

Uluaki tosi kia Timoteo 2:7

ti kua fakanofo e ia au ki ai ko se tagata fai akonaki, ti mo se apositolo (e kau fakasa le maoki, e leaise kau loi), ke akonaki ki le kau pagani i le tui mo le maoki.

Lua tosi kia Timoteo 1:11

Ko le Evaselio lena, kua fakanofo au ki ai ko le tagata fai akonaki, mo le apositolo leia e tonu ke ako ia le kau pagani.

Lua tosi kia Timoteo 2:2

Ti ko le nea leia na ke logo meiate au i mua o ni kau fakamaoki toka api, tuku a ia ki ni kau tagata agatonu, ala e mafai ia lona toe ako foki ki ni iki ake.

Lua tosi kia Timoteo 4:11

Ko Luka toka tasi e nofo mo au. Too Maleko o au mo koe, talie e aoga a ia kiate au i le gaoi.

Lua tosi kia Timoteo 4:5

Kae ko koe, fakapotopoto i nea fuli, kataki a mamae, fai le gaoi a se evaselisita, fai ke katoa malie lau gaoi.

Epelo 5:4

E leaise mafai ke too e se tasi le tulaga mauiga lena kiate ia ; kae na leaise kalagai a ia e le Atua, ofaipe Alone.

Uluaki tosi a Samuele 2:11

Na ano loa Elekana ki lona fale i Lama, ti na tausi loa le fanau ki le Eteleno i mua o le tagata faisakilifisio ko Eli.