Gaoi 12:3 - Tosi Tapu

³ I lana tio na ano malie le nea a ia ki le kau Sutea, na fakatotonu loa e ia ke toe too foki mo Petelo. Ko aso ana o pane sala fakatupu.

Gaoi 12:3 ပူးပေါင်းရင်းမြစ်များ

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Ekesote 23:15

E ke taupau loa le aso o pane sala fakatupu ; i aso e fitu, i le temi leia kua oki i le fakatuutuu i le masina o fulumeto, e ke kai loa ni pane sala fakatupu, o mulimuli ki le nea leia na kau fakatotonu atu kiate koe, talie na ke mavae mei Esipito i le masina lena ; ti ke aua na au loa se tasi ki mua o le Eteleno mo lima ata.

Mateo 26:17

I le uluaki aso o pane sala fakatupu, na masau loa le kau tisipulo kia Sesu, o pati kiate ia : Ko le ganea fea leia e ke loto ke motou teuteui ai kiate koe le kai o le Pasikate ?

Soane 12:43

Talie na lasi ake lalatou fia fai ki le kololia o le tagata i le kololia o le Atua.

Soane 19:11

Na tali loa Sesu : E leaise ke maua loa se pule kiate au, mo kanapau na leaise tuku atu a ia kiate koe mei aluga. Koia ko leia e tuku ia au kiate koe e fai ia se agasala lasi ake.

Soane 21:18

E maoki, e maoki, e kau pati atu kiate koe, i lou koi tupulaga, na ke toi totonu a koe, ti na ke ano ki ganea ala na ke loto ki ai ; kae ka ke matua loa, e ke folasi loa ou lima, ti e toi loa a koe e se tasi ake, o taki a koe ki le ganea leia e leaise ke loto loa ki ai.

Gaoi 12:4

I le oki o le too o Petelo, o velo ki le pilisoni, na tuku loa e Elote ke leo a ia e ni vaega solia e fa, na taki toka fa, mo le manatu ke fakamaaui a ia i mua o le kakai mo ka oki loa le Pasikate.

Gaoi 2:14

Ti na tuu loa Petelo ki aluga mo le tino agafulu tupu tasi, o masau leo lasi, o pati : Tagata Sutea, ti mo koutou fuli ala e nonofo i Selusalemi i aso anei, ke kotou iloa le nea leinei ti ke kotou fakalogo mai ki aku masau !

Gaoi 20:6

Ko matou, i le oki o le aso lasi o pane sala fakatupu, na motou sopo loa ki se vaka i Filipe, ti i le sili o aso e lima, na motou kaku loa kia latou i Toloasi, o motou nonofo ai loa i aso e fitu.

Gaoi 24:27

Kae i le oki o fetuu e lua, na fetogi loa Felise e Polisiusi Fesitusi. I le fia mata malie a Felise ki le kau Sutea, na tuku loa e ia Paulo i le pilisoni.

Gaoi 25:9

Kae i lona fia mata malie ki le kau Sutea, na tali loa Fesitusi kia Paulo : Pe ke loto ke ke pale ki Selusalemi ke fakamaaui ai a koe o uiga mo nea ana i oku mua ?

Gaoi 4:13

I lalatou tio ki le tuu makeke o Petelo mo Soane, na lotou punamauli ai, talie na lotou iloa ko ni tagata laua o le kakai, ala na leaise sekola ; ti na lotou iloa na la nonofo mo Sesu.

Kalate 1:10

Ti ko leinei, pe ko le alofa o tagata leia e kau oli ki ai, pe ko leia o le Atua ? Pe kau afa ke kau mata malie ki tagata ? Kapau koi kau mata malie ki tagata, ti e leaise ko le tagata fakasausau loa au a Kilisito.

Uluaki tosi ki le kau Tesalonika 2:4

kae na malie ki le Atua ke tuku mai kia matou le Evaselio, koia e motou masau ai, o leaise ke fakamatamalie ki ni tagata, kae ke fakamatamalie ki le Atua leia e asiasii ia omatou loto.