Gaoi 10:9 - Tosi Tapu

⁹ I le pogipogi ake, i le lolotoga o lalatou fanoga i le ala, ti kua lotou ofi foki ki le kolo, na pale loa Petelo ki le tua aluga o le fale, i le vae tupu lua lalatea, o faikole.

Gaoi 10:9 ပူးပေါင်းရင်းမြစ်များ

Lua tosi a Samuele 11:2

I se afiafi, na malaga ake loa Tavite i lona moeaga ; ti na evaeva loa a ia i aluga o le ato o le fale sau, ti na tio loa a ia mei ai ki se fafine na maanu, ti na fulumalie ai le fafine.

Pesalemo 55:17

Ti ko au, e kau tagi ki le Atua, Ti e fakamauli loa au e le Eteleno.

Selemia 19:13

E kelekele loa le fale o Selusalemi mo fale o sau o Suta Ofaipe le ganea o Tofete, Ti mo fale fuli ala e momoli ai le iseso i aluga o ato Ki le kau tau fuli o atu lagi, Ti na fai ai ni lipasio ki ni atua kese.

Selemia 32:29

E ulu loa ki le kolo leinei le kau Kaletea leia e taui ia a ia, E lotou tutu loa a ia ki le afi, ti e vela loa a ia Mo fale ala na momoli ai le iseso kia Paale i aluga o ato, Ti na fai ai ni lipasio ki ni atua kese, O tupu ke fakatupu ai loku sausau.

Taniela 6:10

I le iloa e Taniela kua tosi le fakatotonu, na ano loa a ia ki lona fale ; ti na fakamavaa loa e ia a katupa o le kogafale i lau fata ki le fetuu o Selusalemi. Ti na tua tolu i le aso na tutuli loa a ia o faikole mo fakavikiviki ki lona Atua, ofaipe lana fai masani i mua.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Mateo 20:5

Ti na lotou ano loa ki ai. Na toe ano loa a ia i le lalatea, ti mo le ola tolu sili lalatea, o fai fenaaki.

Mateo 24:17

ko leia e nofo loa i le taufufu ke aua na ifo loa a ia, o too se nea i le loto fale ;

Mateo 27:45

I le lalatea na fakapouli loa le malama nei katoa o kaku ki le ola tolu sili lalatea.

Mateo 6:6

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Maleko 1:35

I le usu, koi fakapouli ai, na tuu ake loa a ia, o ano ki se ganea lavaki, leia na faikole ai loa a ia.

Maleko 6:46

I le oki o lana kakau le kakai, na ano loa a ia ki le mauga, o faikole.

Gaoi 10:3

I se sili lalatea vae ola tolu, na tio malama loa a ia i se sa ki se aselo a le Atua na ulu ake ki lona fale, o pati ake kiate ia : Kolenelio !

Gaoi 6:4

Ti ko matou, e motou soko atu loa lamatou tokaga ki le faikole ti mo le gaoi o le folafola.

Efeso 6:18

Kotou fai i temi fuli i le Laumalie a kole kesekese fuli ti mo ni tagi. Kotou tokaga ki le nea lena mo se kataki fualoa katoa, ti kotou ulufaki le kau sagato fuli.

Uluaki tosi kia Timoteo 2:8

Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.

Uluaki tosi a Samuele 9:25

Na la ifo loa i le ganea tapu, o ano ki le kolo, ti na masau loa Samuele mo Saulo i aluga o le fale.