Gaoi 10:4 - Tosi Tapu

⁴ Ti i lana tio fakamaumau kiate ia mo se i lasi, na tali loa a ia : Aliki, kolea ? Ti na pati loa le aselo kiate ia : Kua kaku au faikole mo ou nea alofa ki mua o le Atua, ti kua manatui e ia latou.

Gaoi 10:4 ပူးပေါင်းရင်းမြစ်များ

Lua tosi o Koloniko 32:24

I le temi lena na masaki loa Esekiasi, o teiteiki ke mate. Na faikole loa a ia ki le Eteleno ; ti na folafola loa le Eteleno kiate ia, ti na tuku loa e ia se fakamailoga kiate ia.

Lua tosi o Koloniko 6:33

ke ke tali a ia mei lagi, mei le ganea leia e ke nofo ai, ti ke ke soli ki le matapule lena a nea fuli ala e kole atu loa e ia kiate koe, o tupu ke iloa e le kakai katoa o le kele lou suafa, ti ke lotou i kiate koe, ofaipe lou kakai ko Iselaele, ti ke lotou iloa e too lou suafa i le fale leinei kua kau aga o fakatuu !

Pesalemo 141:2

Ke fai laku kole i ou mua pe le iseso, Ti ke fai oku lima ala e falo atu kiate koe pe le moliga o le afiafi !

Pesalemo 20:3

Ke kakau mai e ia mei le sagatualio le fakamauli kiate koe ! Ke tokoi a ia kiate koe mei Sione !

Esaia 43:26

Fafagu loku manatu, ta masasau fakatasi, Masau mai a koe totonu, o fakasa mai lou faitotonu !

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Taniela 10:11

Na pati mai loa a ia kiate au : Taniela, tagata alofaina, tokaga ki le folafola leia e kau fakasa loa kiate koe, tuu ki aluga i le ganea lena e ke nofo ai ; talie kua kakau mai au i le lakaga nei kiate koe. I le oki o lana masau mai kiate au, na kau tuu lulu loa ki aluga.

Levitiko 2:2

E ave loa e ia le moliga ki le kau faisakilifisio, vosa o Alone ; ti e too loa e ia ki lona lima se ga lukuga i le falina lena, leia kua fakasusu ki le lolo, mo le iseso katoa, ti e tutu loa e le tagata faisakilifisio a nea fuli ana i aluga o le aletale ofaipe se fakamanatu. Ko se moliga tutu a ia e le afi, ti ko se nea manogi malie a ia ki le Eteleno.

Malakia 3:16

Ti na masau loa latou ala e i ki le Eteleno ia latou ; Na tokaga loa le Eteleno, ti na fakalogo loa a ia. Ti na tosi loa se tosi fakamanatu i ona mua Kia latou ala e i ki le Eteleno Ti e fakaapaapa ki lona suafa.

Mateo 26:13

E kau pati maoki atu kia koutou, ko ganea fuli ala e fakasa ai loa le logo malie leinei, i le malama nei katoa, e toe fakamatala loa i ai le nea leia kua fai e le fafine leinei, o fakamanatu a ia.

Luka 1:29

I lona punamauli i le masau lena, na fakakaukau loa a ia ki le uiga o le fakaalofa lena.

Luka 24:5

I lolatou i, o punou olotou mata ki le kele, na pati loa le sa tagata kia latou : Kolea e kotou afa ai i le kau mate leia e mauli ?

Gaoi 10:31

Kolenelio, kua tali lau kole, ti kua manatui e le Atua au nea alofa.

Gaoi 14:9

Na fakalogo a ia ki le masau a Paulo, leia na tio fakamaumau loa kiate ia, o iloa loa e ia kua maua e ia le tui ke mauli ai,

Gaoi 22:10

Ti na kau pati loa : Kolea e tonu loa ke kau fai, Aliki ? Ti na pati mai loa le Aliki kiate au : Tuu ki aluga, o ano ki Tamaso, ti e fakasa atu loa i ai a nea fuli ala e tonu ke ke fai.

Gaoi 3:4

Ti na tio fakamaumau loa Petelo mo Soane kiate ia, o pati : Tio mai kia maua.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Filipe 4:6

Aua na kotou tokaga mamae ki se nea e tasi, kae kotou fakasa ki le Atua a nea ala e aoga kia koutou i ni kole, mo ni kolekole, ti mo ni fakafetai,

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Apokalipisi 8:4

Ti na pale ake loa ki mua o le Atua mei le lima o le aselo le afu o le kaloni ti mo faikole a le kau sagato.

Uluaki tosi a Samuele 3:10

Na au loa le Eteleno, o tuu, ti na fetapa loa a ia ofaipe la ake faiaga : Samuele, Samuele ! Ti na tali loa Samuele : Masau, talie e fakalogo atu lau tagata fakasausau.