Gaoi 10:2 - Tosi Tapu

² Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Gaoi 10:2 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Uluaki tosi o Sau 8:43

ke ke tali a ia mei le atu lagi, mei le ganea o lou nofoaga, ti ke ke tuku loa ki le matapule lena a nea fuli ala e kole atu loa e ia kiate koe, o tupu ke iloa e kakai fuli o le malama nei lou suafa ti ke lotou i kiate koe, ofaipe lou kakai ko Iselaele, ti ke lotou iloa e fetapa ki lou suafa i le fale leinei kua kau fakatuu !

Lua tosi o Koloniko 6:33

ke ke tali a ia mei lagi, mei le ganea leia e ke nofo ai, ti ke ke soli ki le matapule lena a nea fuli ala e kole atu loa e ia kiate koe, o tupu ke iloa e le kakai katoa o le kele lou suafa, ti ke lotou i kiate koe, ofaipe lou kakai ko Iselaele, ti ke lotou iloa e too lou suafa i le fale leinei kua kau aga o fakatuu !

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Sopo 1:5

Ti ka oki a aso fakafiafia, e kakau loa e Sopo ke au kiate ia ona vosa, ke fakamea latou ; e tuu ake loa a ia i le mafoata o momoli ni failaulau o fakatatau ki le lasi o ana fanau ; talie na pati a Sopo : E feala ke agasala oku vosa ti ke lotou masau sala ki le Atua i olatou loto. Ko lena le fai masani a Sopo.

Pesalemo 102:15

Talie e alofa au tagata fakasausau ki ona fatu, E lotou pipiki ai ki lona efu.

Pesalemo 119:2

Manuia latou ala e tausi ia ana pelesepeto, Ala e afa ia a ia i lolatou loto katoa,

Pesalemo 25:5

Ke ke taki au i lou maoki, ti ke ke ako au ; Talie ko le Atua a koe o loku fakamauli, Ko loku amanaki malie a koe o lee gato.

Pesalemo 41:1

Ki le pule o le kau sua. Pesalemo a Tavite.

Pesalemo 55:17

Ti ko au, e kau tagi ki le Atua, Ti e fakamauli loa au e le Eteleno.

Pesalemo 86:3

Alofa mai kiate au, Aliki ! Talie e kau tagi kiate koe i le aso katoa.

Pesalemo 88:1

Katiko. Pesalemo a vosa o Kole. Ki le pule o le kau sua. Ke sua i le fulute. Katiko a Emani, ko le tagata Eselaki.

Ekelesiasi 7:18

E malie ke ke taofi mau le tasi, ti aua na tiaki leia, talie ko leia e i ki le Atua e leaise tonu ke vilo ki nea fuli ana.

Esaia 59:19

Ti e i loa ki le suafa o le Eteleno mei le sopoaga o le laa, Ti mo lona kololia mei le toaga o le laa. Ka au loa le fili ofaipe se vaitafe, E kapu loa a ia e le Laumalie o le Eteleno.

Taniela 6:10

I le iloa e Taniela kua tosi le fakatotonu, na ano loa a ia ki lona fale ; ti na fakamavaa loa e ia a katupa o le kogafale i lau fata ki le fetuu o Selusalemi. Ti na tua tolu i le aso na tutuli loa a ia o faikole mo fakavikiviki ki lona Atua, ofaipe lana fai masani i mua.

Taniela 6:16

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Mateo 25:17

Ti na toe fenaaki mo leia na tali ia a fa tenalio e lua, na toe maua loa e ia ni iki ake fa tenalio e lua.

Luka 18:1

Na fai loa e Sesu kia latou se folafola fakatata, ke fakasa e tonu ke faikole tuumau, kae aua na toe kaekae fua.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Gaoi 10:22

Ti na lotou tali loa : Ko Kolenelio, ko se setulio Loma, tagata agatonu mo alofa ki le Atua, leia kua fakamaoki ki ai le puleaga katoa o le kau Sutea, na fakasa kiate ia e le Atua i lana aselo maokioki ke aumai a koe ki lona fale, ke logo a ia ki au folafola.

Gaoi 10:31

Kolenelio, kua tali lau kole, ti kua manatui e le Atua au nea alofa.

Gaoi 10:35

kae i puleaga fuli, ko leia e alofa kiate ia mo saele i le maokioki, e malie a ia ki ona mata.

Gaoi 10:4

Ti i lana tio fakamaumau kiate ia mo se i lasi, na tali loa a ia : Aliki, kolea ? Ti na pati loa le aselo kiate ia : Kua kaku au faikole mo ou nea alofa ki mua o le Atua, ti kua manatui e ia latou.

Gaoi 10:7

I le mavae a le aselo leia na masau kiate ia, na kalagai loa e Kolenelio se toka lua i ana tagata fakasausau, ti mo se tagata solia agatonu ia latou ala na tausi kiate ia ;

Gaoi 11:14

leia e fakasa ia atu loa kiate koe a folafola ala e saofaki ai loa a koe mo lou fale katoa.

Gaoi 13:16

Ti na tuu loa Paulo ki aluga, o siki lona lima, o pati : Tagata Iselaele, ti mo koutou ala e i ki le Atua, kotou fakalogo mai !

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Gaoi 13:50

Kae na fakavelii loa e le kau Sutea a fafine aliki ala na lotu sutea, mo tagata mauiga o le kolo. Ti na lotou lagai loa se fakaveliveli kia Paulo mo Palenapa, ti na lotou kapu loa laua i lolatou fenua.

Gaoi 18:8

Kae na tui loa ki le Aliki a Kilisipusi, ko le pule o le sinakoka, mo lona famili katoa. Ti na fakalogo foki ni kakai Kolinito toka api kia Paulo, o lotou tui loa, mo papitema.

Gaoi 2:5

I aso ana, na nonofo i Selusalemi ni kau Sutea, tagata tausi lotu malie, mei puleaga fuli o le malama nei.

Gaoi 22:12

Kae na i ai se tagata na igoa ko Ananiasi, tagata tausi malie ki le Atua o mulimuli ki le lao, ti na fakamaoki malie fuli kiate ia le kau Sutea leia na nofo i Tamaso,

Gaoi 8:2

Na tanu loa e ni tagata lotu malie a Setefano, ti na lotou tagi lasi loa ki lona mate.

Gaoi 9:11

Ti na pati loa le Aliki kiate ia : Tuu, ti ke ano ki le ala leia e igoa ko le Ala Sako, ti ke afa i le fale o Suta se tagata e igoa ko Saulo, mei Talese.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Gaoi 9:36

Na nofo i Sope, i le kau tisipulo, se fafine na igoa ko Tapita, ko lona uiga i le fakakeleka ko Tolokasi ; na fai e le fafine lena ni gaoi malilie lasi ai mo ni nea alofa.

Kolose 4:2

Kotou kataki fualoa i le faikole, kotou alaala i ni faikole mo ni fakafetai ki le Atua.

Uluaki tosi ki le kau Tesalonika 5:17

Kotou faikole sosoko.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.