Gaoi 1:3 - Tosi Tapu

³ I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.

Gaoi 1:3 ပူးပေါင်းရင်းမြစ်များ

Uluaki tosi o Sau 19:8

Na tuu ake loa Elia ki aluga, o kai ti mo inu ; ti na maua loa e ia le makeke i le nea kai lena, ke saele a ia i aso e kau fa mo po e kau fa, o kaku ki le mauga o le Atua i Olepe.

Mateo 21:43

Koia, e kau pati atu kia koutou, e too loa le puleaga o le Atua meia koutou, o tuku ki se puleaga leia e fakatupu ia loa ni fua.

Mateo 28:9

Ti ko leinei, na au loa Sesu o fakafelavei kia laua, o pati : E kau fakaalofa atu kia koulua. Na la fakafeofi ake loa o too ona vae, ti na la atolasio loa kiate ia.

Mateo 3:2

Na pati a ia : Kotou fakasemala, talie kua ofi mai le Puleaga o le atu lagi.

Mateo 4:2

Na sesunio loa a ia i aso e kau fa mo po e kau fa, ti na fia kai loa a ia.

Maleko 16:19

I le oki o le masau a le Aliki kia latou, na ave loa a ia ki Selo, ti na ekeeke loa a ia i le lima atamai o le Atua.

Soane 20:26

Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Soane 21:1

I le oki o nea ana, na toe sa foki Sesu ki ana tisipulo, i le mata tai o Tipeliate. Ti na feneeki loa lana sa kia latou.

Soane 21:14

Ko le tua tolu loa lena o le sa a Sesu ki ana tisipulo talu mei lana toe tuuake mei le kau mate.

Gaoi 13:31

Ti na sa a ia i le lolotoga o aso mauke ai kia latou ala na pale fakatasi mo ia mei Kalilea ki Selusalemi, ti kua liliu i le temi nei ko ana tagata fakamaoki i mua o le kakai.

Gaoi 19:8

Ti na ulu loa Paulo ki le sinakoka o masau fakalauatea i ai. I le lolotoga o masina e tolu, na masau a ia ki nea o le Puleaga o le Atua, o faiga ke tafoki latou ala na fakalogo kiate ia.

Gaoi 28:23

Ti na lotou fakatuutuu loa kiate ia se aso, ti na au loa se toka api o maua a ia i lona fale. Ti na fakasa loa e ia le Puleaga o le Atua kia latou, o fakamaoki, ti mo afa i le lao a Moisese mo le kau polofeta, ke lotou tio ki nea o uiga mo Sesu. Na fai loa le nea lena mei le usu o kaku ki le afiafi.

Gaoi 28:31

o fakasa le Puleaga o le Atua, ti mo akonaki ki nea o uiga mo le Aliki ko Sesu-Kilisito, i le lauatea katoa ti mo sala fakavisi.

Gaoi 8:12

Kae, i lalatou tui loa kia Filipo, leia na fakasa ia kia latou le logo malie o le Puleaga o le Atua ti mo le suafa o Sesu-Kilisito, na lotou papitema loa, a tagata mo fafine.

Loma 14:17

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki.

Tetelonome 9:18

Na kau punou loa o fakatau oku mata ki le kele i mua o le Eteleno, ti na kau nofo loa i ai, ofaipe mua, i aso e kau fa mo po e kau fa, e leaise kai ti e leaise inu, o tupu ko agasala fuli ala na kotou fai, o fai le nea leia e veli ki mata o le Eteleno ke tupu ai lona sausau.

Tetelonome 9:9

I le aso lena na kau pale ai loa ki le mauga, o tali a laui fatu o le sai leia na fai e le Eteleno mo koutou. Na kau nofo loa i le mauga i aso e kau fa mo po e kau fa, ti na leaise kau kai fua se pane ti mo inu fua se vai ;

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Uluaki tosi a Soane 1:1

Ko le nea leia na agai i le kamataaga, leia na motou logo ki ai, leia na motou tio mata ki ai, leia na motou matamata ki ai, ti na motou fafa lima ki ai, ki le Folafola o le mauli,