Filipe 4:19 - Tosi Tapu

¹⁹ E tokaga loa loku Atua ki nea fuli ala e aoga kia koutou o mulimuli ki lona mou koloa, i le kololia, ia Sesu-Kilisito.

Filipe 4:19 ပူးပေါင်းရင်းမြစ်များ

Senesi 48:15

Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Lua tosi a Samuele 22:7

I loku mamae, na kau kalaga ki le Eteleno, Na kau kalaga ki loku Atua ; Mei lona fale sau, na logo a ia ki loku leo, Ti na fia logo ona taliga ki laku kalaga.

Lua tosi o Koloniko 18:13

Na tali loa Mikea : E mauli le Eteleno, e kau fakasa loa le nea leia e fakasa mai loa e loku Atua kiate au.

Lua tosi o Koloniko 31:8

Na au loa Esekiasi mo le kau pule o tio ki fakatuuga, ti na lotou fakamalo loa ki le Eteleno mo lona kakai ko Iselaele.

Neemia 5:19

Ei loku Atua, ke ke manatui au, o tapuaki kiate au o mulimuli ki nea fuli ala na kau fai ki le kakai leinei !

Neemia 9:15

Na ke soli loa kia latou se pane mei lagi, i le temi leia na lotou fia kai ai, ti na ke fakasali loa se vai mei le utu i le temi leia na lotou fia inu ai.

Pesalemo 104:24

E mauke ai au gaoiaga, ei Eteleno ! Na ke fai latou fuli i le poto. E apele le malama nei i au nea malilie.

Pesalemo 130:7

Iselaele, tuku lau amanaki malie ki le Eteleno ! Talie e maua le manava alofa i tafa o le Eteleno, Ti e maua foki le totogi i ona tafa.

Pesalemo 36:8

E lasi ai lou agamalie, ei Atua ! E afa e vosa o le tagata se mumuniaga i le malu o ou kapakau.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Taniela 6:22

Kua kakau mai e loku Atua lana aselo ke tapono ia a gutu o laione, ti na leaise lotou fai fua kiate au se nea veli, talie na leaise maua e ia saku sala i ona mua ; ti e felaaki foki i ou mua, ei sau, na leaise kau fai fua se sala.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Mateo 6:32

Talie ko nea fuli ana e afa e le kau pagani, kae e iloa e lokoutou Tamana i Selo e lotou aoga kia koutou.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Soane 20:27

Ti na pati loa a ia kia Tomasi : Sosoaki mai lou maikao ki leinei, o tio ki oku lima ; sosoaki mai foki lou lima, o teki ki loku vakavaka ; ti aua na ke tui gataa, kae ke tui.

Loma 1:8

E kau fuafuaki fakafetai ki loku Atua ia Sesu-Kilisito o uiga mo koutou fuli, talie kua logologona lakoutou tui i le malama nei katoa.

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Loma 8:18

E kau pati, e leaise gali ke fakatatau a mamae o le temi nei ki le kololia ka au, leia ka fakasa loa kia tatou.

Loma 9:23

ti kapau kua loto a ia ke fakasa a koloa o lona kololia ki ni ipu o le manavaalofa ala na teuteui fakatomua ki le kololia : Ko ai loa ke toe pati kiate ia ?

Lua tosi ki le kau Kolinto 12:21

E kau tuania, i laku tau atu, na toe fakataulaloi au e loku Atua i mua o koutou, ti ke kau tagi loa ki se toka api o latou ala na agasala i mua, ti na leikiaise fakasemala ki le aga fakakelekele, mo le fai feauaki, ti mo nea fakalialia fuli ala na lotou fai.

Lua tosi ki le kau Kolinto 4:17

Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Filipe 4:7

ti ko le tokamalie o le Atua, leia e fakalaka ake i atamai fuli, e taupau ia loa okoutou loto mo akoutou manatu ia Sesu-Kilisito.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Filemo 1:4

E kau fakafetai ki loku Atua, o sua mau aifuai a koe i aku faikole,

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.