Filipe 3:19 - Tosi Tapu

¹⁹ Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Filipe 3:19 ပူးပေါင်းရင်းမြစ်များ

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Pesalemo 52:1

Ki le pule o le kau sua. Katiko a Tavite.

Selemia 44:17

Kae e motou fai loa o mulimuli ki le nea leia kua fakasa e omatou gutu, ke tutu le iseso ki le fafine aliki o le lagi, ti mo fai kiate ia ni moliga nea inu, ofaipe lamatou fai masani, a matou mo omatou tamana, mo omatou sau, ti mo omatou pule, i kolo o Suta mo ala o Selusalemi. Ti na motou maua loa i ai se pane ke motou kai, ti na motou fiafia loa i ai, ti na leaise motou tio loa ki se malaia.

Esekiele 13:19

E kotou fakanoai au i mua o loku kakai, Ki ni ga lukuga falina mo ni ga potu pane, O kotou tamate ni laumalie ala e leaise tonu ke mate, Kae kotou fakamauli ni laumalie ala e leaise tonu ke mauli, O kotou kakaai ai loku kakai, leia e fakalogo ki le loi.

Esekiele 34:3

Na kotou kai le gako, ti na kotou teu ki le fului akeno, ti na kotou tamate a manu pepeti, ti na leaise kotou fagai le kau ovi.

Oseo 4:7

Na lotou liuliuga o toka api, kae na lotou toe asilisili agasala kiate au. Koia e kau fetogi ai loa lolatou kololia ki se luma.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mikea 3:5

Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Malakia 1:12

Kae ko koutou, e kotou fakakelekele loku suafa, O kotou pati : E kelekele le laupapa o le Eteleno, Ti ko le nea leia e maua i ai ko se nea kai veli.

Mateo 16:23

Kae na mafuli loa Sesu, o pati kia Petelo : Ano ki oku muli, Satana ! E ke fakatupu siga kiate au ; talie ko au manatu e leaise ko manatu a le Atua, kae ko manatu a tagata.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Luka 12:19

ti e kau pati loa ki loku laumalie : Ei loku laumalie, kua lasi ai ou koloa ala kua tanaki ki ni fetuu mauke ai ; malolo la, mo kai, mo inu, ti mo fiafia.

Luka 16:19

Na i ai se tagata mou koloa, leia na lava ki ni kie fulumalilie mo mauiga ai, ti na kai nea malilie a ia i aso taki tasi.

Luka 18:4

Na fakafiti loa a ia o fualoa ai. Kae ki muli na pati loa a ia i lona loto : e leaise kau i fua ki le Atua ti e leaise kau tokaga fua ki se tasi,

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Loma 6:21

Koa a fua ala na kotou maua loa ? Ko ni fua ala kua kotou luma ki ai i le temi nei. Talie ko le fakaokiaga o nea ana, ko le mate.

Uluaki tosi ki le kau Kolinto 3:3

Talie koi maua ia koutou se finenonofo mo ni fefele, pe leaise kotou fakakanofi, pe leaise kotou saele o mulimuli ki le tagata ?

Uluaki tosi ki le kau Kolinto 5:2

Ti kua kotou makita i le fia nealasi ! kae na leaise kotou mamae mua, o tupu ke too meia koutou leia kua fai ia le nea lena !

Uluaki tosi ki le kau Kolinto 5:6

E leaise malie lakotou fakakololia kia koutou ! Pe leaise kotou iloa ko se ga momoi fakatupu e fakatutupu ia le falina katoa ?

Lua tosi ki le kau Kolinto 11:12

Kae e kau fai, ti e kau fai loa fenaaki ke tuuti ai a faigamalie fuli kia latou ala e fia afa ia se nea ke lotou fakavikiviki ai, ti mo se fakamaoki e lotou gaoi o tatau mo maua.

Lua tosi ki le kau Kolinto 11:15

Koia e leaise ko se nea foou foki, mo ka kofu tagata gaoi ana ofaipe ni tagata fakasausau o le maokioki. Ko lolatou ikuaga e mulimuli loa ki alatou gaoi.

Kalate 6:13

Talie e leaise fai e le kau lee silikosisio totonu le lao ; kae e lotou loto ke silikosisio koutou, o tupu ke lotou fakakololia i lokoutou tino.

Filipe 2:21

talie e lotou afa fuli a nea ala e aoga kia latou, kae leai a nea ala e aoga kia Sesu-Kilisito.

Kolose 3:2

Kotou pipiki ki nea o aluga, kae aua ki nea ala i le malama nei.

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,

Lua tosi ki le kau Tesalonika 2:12

ti ke tautea ai latou fuli ala na leaise tui ki le maoki, kae na fiafia ki le lee agatonu.

Lua tosi ki le kau Tesalonika 2:8

Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.

Uluaki tosi kia Timoteo 6:5

mo visi noa a ni tagata atamai fakapouli, ala e puli ai le maoki, ti e masalo ko le aga fakaatua ko se matapuna a ia o se koloa lasi.

Lua tosi kia Timoteo 3:4

mo fakapapau loi, mo loto oso, mo makita i le fia nealasi, mo alofa ki fiafia fakamalama o lasi ake i le Atua ;

Sakopo 4:16

Kae ko leinei, e kotou fiafia i akoutou manatu fia nealasi. Ko se nea veli le fiafia fenaaki.

Lua tosi a Petelo 2:1

Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.

Lua tosi a Petelo 2:13

ti e lotou tali loa i ai le totogi o lalatou agaveli. E lotou maua lolatou fiafia i le fakasoko olatou oli veveli i le lauatea ; ko ni tagata maimoa mo kelekele latou ; e lotou fiafia i alatou kaka, o kau i akoutou kaitasi fakatautaina.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.

Suta 1:10

Kae ko latou ana, e lotou masau veli ki le nea leia e leaise lotou matala ki ai ; ti ko le nea leia e lotou iloa fakakanofi, ofaipe ni manu kaikivao, e fakakelekele ia latou.

Suta 1:16

Ko ni kakai gugu latou mo lauga, ala e leaise fiafia fua i se nea, ala e saele o fakalogo ki olatou oli fakavale, ala e maua ia i olatou gutu ni masau fia nealasi, ala e vikiviki ki tagata o tupu ke lotou maua ai se nea.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Apokalipisi 18:7

Kotou soli kiate ia ni mamae mo ni malaia ke tatau mo lona kololia ti mo lona koloa. Talie e pati a ia i lona loto : E kau ekeeke i leinei ko le fafine aliki, e leaise kau iloa ia le mauli lokonui, ti e leaise kau iloa ia le mamae !

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !

Uluaki tosi a Samuele 2:29

Kolea e kotou takatakafi ai ki okoutou vae aku sakilifisio mo aku moliga, ala na kau fakatotonu ke fai i loku nofoaga ? Ti kolea e ke fakaapaapa ake ai ki ou vosa iate au, ke kotou fakapepeti ai ki uluaki fua o moliga fuli a Iselaele, loku kakai ?