Filipe 2:27 - Tosi Tapu

²⁷ Talie na masaki a ia, ti na teiteiki a ia ke mate ; kae na manavaalofa le Atua kiate ia, ti na leaise gato fua kiate ia, kae kiate au foki, talie ke aua na kau maua ni iki mamae i le oki o la mamae.

Filipe 2:27 ပူးပေါင်းရင်းမြစ်များ

Lua tosi o Sau 20:1

I le temi lena, na masaki loa Esekiasi o teiteiki ke mate. Na au loa le polofeta ko Esaia, vosa o Amote, ki ona tafa, o pati kiate ia : Ko leinei le folafola a le Eteleno : Ke tuku au fakatotonu ki lou fale talie ka ke mate loa, e leaise ke toe mauli loa mei lou masaki.

Sopo 5:19

E fakamauli loa e ia a koe i le mamae o tua ono, Ti e leaise lave loa le veli kiate koe o tua fitu.

Pesalemo 34:19

E ofi le Eteleno kia latou ala e loto fatifati, Ti e fakamauli e ia latou ala e loto mamae.

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Selemia 10:24

Tautea au, Eteleno ! kae i le faitotonu, Kae leai i lou sausau, ke aua na ke fakaliliu au ko se nea noa.

Selemia 45:3

E ke pati : Malaia kiate au ! Talie kua fakalasi e le Eteleno loku mamae ki ni iki ake mamae ; kua kau gaegae i le tagi, ti e leaise kau maua fua se ga malolo.

Selemia 8:18

E kau loto ke fakafimalie loku mamae ; E mamae loku mafu iate au.

Apakuki 3:2

Eteleno, na kau logo ki le nea leia na ke fakasa, ti kua kau apele i le i. Ei Eteleno, fakasoko lau gaoiaga i lolotoga o fetuu ka soko mai ! Io, fakasa a ia i fetuu ka soko mai ! Kae i lou sausau, manatui ou aloalofa !

Gaoi 9:37

Ti na masaki loa a ia i aso ana, o mate. I le oki o lona fakamaanui, na tuku loa a ia ki se kogafale i fata.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Lua tosi ki le kau Kolinto 2:7

Koia e tonu ai ke kotou fakamolemole kiate ia, ti ke kotou fakafimalie a ia, talie ke aua na taomia a ia i se mamae lasi.

Filipe 2:26

Talie na manatu lasi a ia kia koutou fuli, ti na mamae lasi ai a ia o tupu ko lakotou iloa lona masaki.

Filipe 2:28

Koia na kau kakau fakatavili atu ai a ia kia koutou, o tupu ke kotou fiafia i lakoutou toe tio kiate ia, ti ke teifo ai loku mamae.

Filipe 2:30

Talie ko le gaoi kia Kilisito leia na tupu ai lana ofi ki le mate, o leaise mamae a ia ki lona mauli, o tupu ke fetogi e ia koutou i le tokoi leia na leaise mafai ke kotou aumai kiate au.