Filipe 2:17 - Tosi Tapu

¹⁷ Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Filipe 2:17 ပူးပေါင်းရင်းမြစ်များ

Numelo 28:6

Ko le sakilifisio a ia o le aso taki tasi, leia e tatau mo le sakilifisio leia na fai ki le Eteleno i le mauga ko Sinai : Ko se sakilifisio tutu a ia, ko se nea manogi malie ki le Eteleno.

Numelo 28:7

Ko lona lipasio (moliga nea inu) ko se liti vino e tasi mo se vaelua ki le akeno taki tasi : e ke fai loa le lipasio ki le Eteleno i le sagatualio.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 21:13

Ti na tali loa Paulo : Kolea e kotou fai ia, o fetagisi ke fatii ai loku loto ? Talie kua kau teuteu, o leaise gato fua ke saisai au, kae ke kau toe mate foki i Selusalemi o tupu ko le suafa o le Aliki ko Sesu.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Lua tosi ki le kau Kolinto 12:15

Kiate au, e kau fiafia lasi loa i le soli o nea fuli ala e kau maua mo loku mauli totonu o tupu ko okoutou laumalie. Pe kotou alofa ikiiki loa kiate au, mo kapau e kau alofa lasi kia koutou ?

Lua tosi ki le kau Kolinto 4:12

Koia e gaoi ai le mate ia maua, kae gaoi le mauli ia koutou.

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Lua tosi ki le kau Kolinto 7:4

E kau nofo mo se fanaki lasi kia koutou, e kau fiafia loa kia koutou i nea fuli ; e kau apele i le fakafimalie, e kau apele pipi i le fiafia i loto malie o mamae fuli.

Filipe 1:20

o mulimuli ki loku oli makeke ti mo laku amanaki malie, e leaise kau luma loa i se nea fua, kae i le temi nei ofaipe temi fuli ai, e fakakololia loa Kilisito i loku tino, pe kau mauli, pe kau mate ;

Filipe 2:18

Ko koutou foki, kotou fiafia, ti kotou fiafia fakatasi mo au.

Filipe 2:30

Talie ko le gaoi kia Kilisito leia na tupu ai lana ofi ki le mate, o leaise mamae a ia ki lona mauli, o tupu ke fetogi e ia koutou i le tokoi leia na leaise mafai ke kotou aumai kiate au.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Uluaki tosi ki le kau Tesalonika 2:8

Koia na motou loto ai, i le lasi o lomatou alofa kia koutou, ke soli atu kia koutou o leaise gato fua i le Evaselio o le Atua, kae mo omatou mauli totonu foki, i le lasi o lomatou alofa kia koutou.

Lua tosi kia Timoteo 4:6

Talie kiate au, kua tatae le lakaga ke momoli ai au ofaipe se lipasio (sakilifisio vino), ti kua ofi fua le lakaga o loku mavae.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Soane 3:16

I le nea leinei, e tou iloa ai le alofa : na soli e Ia lona mauli o tupu ko tatou. Ko tatou foki, e tonu ke tou soli otatou mauli o tupu ko fetaina.