Filipe 2:15 - Tosi Tapu

¹⁵ o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Filipe 2:15 ပူးပေါင်းရင်းမြစ်များ

Pesalemo 122:5

Talie e tuu i ai a ekeekeaga fakasau ki le faitotonu, A ekeekeaga fakasau o le fale o Tavite.

Ekesote 34:35

Na tio loa fanau a Iselaele ki mata o Moisese, ti na lotou tio loa kua gigila a ia ; ti na toe puloui loa e Moisese ona mata o kaku ki lana toe ulu o masau mo le Eteleno.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Taagapati 8:8

E totonu masau fuli o loku gutu, E leaise nea fua ia latou e sala pe piko ;

Esaia 60:1

Tuu ki aluga, ke ke gigila, talie kua soko mai lou malama, ti kua sopo le kololia o le Eteleno kiate koe.

Taniela 6:4

Ti na afa loa e le kau pule mo le kau aliki se faigamalie ke fakalakasala ai Taniela o uiga mo nea o le puleaga. Kae na leaise lotou maua se faigamalie, pe ko se nea ke fakalakasala ai, talie na agatonu a ia ti na leaise maua iate ia se sala pe ko se nea veli fua e tasi.

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Mateo 17:17

Na tali loa Sesu : Lanu tui gataa mo aga fakalialia, e kaku loa kiafea laku nofo mo koutou ? E kaku loa kiafea laku kataki kia koutou ? Aumai a ia ki leinei.

Mateo 5:45

o tupu ke kotou liliu ko vosa o lokoutou Tamana i selo ; talie e fakasopo e ia lana laa o fakatatau ki le kau agaveli ti mo le kau agamalie, ti e fakato e ia lana ua o fakatatau ki le kau agatonu ti mo le kau agasala.

Mateo 5:48

Koia ke kotou malie tukupau, ofaipe lokoutou Tamana i Selo leia e malie tukupau.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Soane 5:35

Ko Soane ko le malama leia e ula mo malama, ti na kotou loto ke kotou fakafiafia i se ga temi ikiiki i lona malama.

Gaoi 2:40

Ti ki ni iki ake folafola mauke ai, na fakalotoi mo fakamakeke e ia latou, o pati : Kotou sosola mei le tautupu agaveli leinei.

Gaoi 20:30

ti e mafuta loa i lotomalie o koutou, ni tagata ala e ako ia loa ni nea salasala, ke toso ai a tisipulo i olatou muli.

Loma 16:19

Kia koutou, kua iloa lakoutou fakalogo e tagata fuli. Koia e kau fiafia ai o uiga mo koutou, kae e kau loto ke kotou fakapotopoto i le nea e malie, ti ke kotou mea i le nea e veli.

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Efeso 5:27

talie ke fakatuu i ona mua le Ekelesia lena i lona kololia, sala ila, sala mafetufetu, sala maimoa, kae maokioki mo lee mele.

Tetelonome 32:5

Kapau kua kotou agasala, e leaise tuku loa kiate ia le sala ; Ko le luma ki ana fanau, Lanu kaka mo aga fakalialia.

Filipe 1:10

talie ke kotou iloa a nea ala e malilie tukupau, o tupu ke kotou mea mo lee mele ki le aso o Kilisito,

Filipe 3:6

ti ki le tausi lotu, na kau fakaveliveli le Ekelesia ; ti ki le faitotonu o le lao, na kau lee mele.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Uluaki tosi kia Timoteo 3:10

Ke asiasii mua latou, ti oki ti o fakanofo loa latou ki lalatou gaoi, mo kapau e lotou lee sala.

Uluaki tosi kia Timoteo 3:2

Koia e tonu ai le epikopo ke lee sala, ke avaga mo se fafine e tasi, ke tokaga, ke fakapotopoto, ke poto i le taki o lona mauli, ke fakatalitali kaiga matapule, ke poto i le akonaki.

Uluaki tosi kia Timoteo 5:14

Koia e kau loto ai ke avaga a fafine lokonui tupulaga, ke lotou maua ni alatou fanau, ke lotou takitaki olatou fale, o tupu ke aua na lotou tuku ki le fili se faigamalie ke lauveli ;

Uluaki tosi kia Timoteo 5:20

Ko latou ala e agasala, valoki latou i mua o le Ekelesia katoa, o tupu ke i foki mo latou ake ala.

Uluaki tosi kia Timoteo 5:7

Fakasa kia latou a nea ana, o tupu ke lotou lee sala.

Tito 1:6

mo kapau e maua i ai se tagata leia e lee sala, ko le avaga o se fafine e tasi, e tui ana fanau, ti e leaise valoki latou i le mauli fakalialia pe ko le patigataa.

Tito 2:10

ke aua na lotou kaia, kae ke lotou fakasa tuumau se agatonu mo agamalie tuumau kia latou i nea fuli, o tupu ke lotou fakasa i nea fuli le kololia o le akonaki a le Atua ko lotatou Fakamauli.

Tito 2:15

Fakasa a nea ana, ekenaki, ti mo valoki i le makeke katoa. Ke aua na nukinuki se tasi kiate koe.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Apokalipisi 2:5

Koia ke ke manatui loa le ganea leia kua ke vilo mei ai, ti ke ke fakasemala, o fai au uluaki gaoi ; ka leai, ti e kau au loa kiate koe, ti e kau too loa lou tekiaga malama mei lona tekiaga, io, mo kapau e leaise ke fakasemala.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.