Filipe 1:27 - Tosi Tapu

²⁷ Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Filipe 1:27 ပူးပေါင်းရင်းမြစ်များ

Uluaki tosi o Koloniko 19:12

Na pati loa Soape : Kapau e makeke ake loa le kau Silia iate au, ti ke au loa o tokoi mai kiate au ; ti kapau e makeke ake loa a vosa o Amone iate koe, ti e kau natu loa o tokoi atu kiate koe.

Pesalemo 122:3

Selusalemi, kua laga a koe Ofaipe se kolo leia e pipiki fakatasi ona koga fuli.

Pesalemo 133:1

Katiko o le fanoga tapu. A Tavite. Ko leinei, io ! e malie ai, e fakafimalie ai Ki ni fetaina ke nonofo fakatasi !

Taagapati 22:23

Talie e puipui loa laua e le Eteleno, Ti e maumaui loa e ia le mauli o latou fuli ala e kaia ia laua.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Mateo 12:25

I le iloa e Sesu o alatou manatu, na pati loa a ia kia latou : Ko Puleaga fuli ala kua mavaevae e maumau loa, ti ko kolo fuli pe ko fale fuli ala kua mavaevae e leaise mafai loa ke tuu fualoa.

Gaoi 2:46

Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie,

Gaoi 24:24

I le sili o ni iki a aso, na au loa Felise mo lana avaga ko Tulusila, leia ko se fafine Sutea, ti na kalagai loa e ia Paulo. Na fakalogo loa a ia kae masau loa Paulo ki le tui kia Kilisito.

Gaoi 4:32

Na loto tasi mo laumalie tasi latou fuli ala na tui. Ti na leaise pati se tasi ko nea ala e maua e ia ko ana nea, kae na fakatasi alatou nea fuli.

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 1:9

Ko le Atua, leia e kau fakasausau ki ai i loku laumalie, o fakasa le Evaselio o lona Alo, e fakamaoki kiate au e kau manatui tuumau koutou i aku faikole ;

Loma 10:8

Kolea le pati a le faitotonu ? E ofi le folafola kiate koe, i lou gutu mo lou loto. Ti ko le folafola o le tui, leia e motou fakasa.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Loma 15:29

Ti e kau iloa i laku natu kia koutou, e kau kaku atu loa mo le tapuakina apele a Kilisito.

Uluaki tosi ki le kau Kolinto 1:10

Koia, fetaina, e kau kole mamae atu kia koutou i le suafa o lotatou Aliki ko Sesu-Kilisito, ke kotou masau fuli ki se masau e tasi, ti ke aua na maua ni fakavaevaega ia koutou, kae ke kotou pipiki tasi i se loto e tasi, ti mo se fakakaukau e tasi.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Lua tosi ki le kau Kolinto 13:11

Ti e kau fakaoki loa, fetaina, kotou nonofo la ! kotou afa ki le malie tukupau, kotou fefakafimalieaki, kotou maua se manatu loto e tasi, kotou mauli i le tokamalie ; ti ko le Atua o le alofa mo le tokamalie e nofo loa mo koutou.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi ki le kau Kolinto 9:13

I le tio loa ki le tokoi lena kia latou, e lotou fakakololia loa ki le Atua o uiga mo lakoutou fakalogo ki le fakasa o le Evaselio a Kilisito, ti mo lokotou alofa lasi o vaevae okoutou koloa mo latou ti mo le kakai katoa ;

Kalate 1:7

Ko le maoki e leaise tasi ake Evaselio, kae e i ai ni iki ala e fakamamae ia koutou, ti e lotou loto ke fetogi le Evaselio a Kilisito.

Efeso 1:13

Iate ia ko koutou foki, i le oki o lakotou fakalogo ki le folafola o le maoki, le Evaselio o lokoutou saofaki, na kotou tui ti na fakamailoga koutou e le Atua ki le Laumalie Maokioki o le fakapapau,

Efeso 1:15

Koia ko au foki, i laku logo ki le masaui o lakoutou tui ki le Aliki Sesu ti mo lokoutou alofa ki le kau sagato katoa,

Efeso 4:1

Koia e kau kole ai kia koutou, e au, ko le tagata pilisoni i le Aliki, ke kotou saele i se saele leia e gali mo le kalaga leia kua fai atu kia koutou,

Filipe 1:5

ti mo laku fakasa loku fiafia o tupu ko le vaega leia na kotou too i le Evaselio, talu mei le uluaki aso o kaku mai ki le aso nei.

Filipe 2:12

Koia, ei oku alofaaga, ofaipe lakoutou patigaofie tuumau, o leaise gato fua mo ka kau nofo mo koutou, kae toe asili ake mo ka kau puli, kotou gaoi ki lokoutou saofaki i le i mo le lulu ;

Filipe 2:24

Kae e kau maua le fanaki leinei i le Aliki e vave foki laku natu, a au totonu kia koutou.

Filipe 3:18

Talie e toka api latou ala e saele ko ni fili o le koluse o Sesu-Kilisito, ala kua tua lasi laku tau masau ki ai, ti e kau toe masau atu nei ki ai mo ni tagi.

Filipe 3:20

Kae kia tatou, e tuu lotatou kolo i lagi, leia e tou talitali foki mei ai ki lotatou fakamauli, le Aliki ko Sesu-Kilisito,

Filipe 4:1

Koia, ei oku fetaina alofaina, koutou ala ko loku fiafia mo loku palaa, ke kotou tuu mau i le Aliki, ei oku alofaaga !

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Kolose 1:4

talu mei lama logo ki lakoutou tui kia Sesu-Kilisito ti mo lokoutou alofa ki le kau sagato fuli,

Uluaki tosi ki le kau Tesalonika 3:6

Ti ko leinei, kua tau mai Timoteo meia koutou, o fakamatala mai kia matou ni logo malilie o lakotou tui ti mo lokotou alofa, ti na pati mai a ia kia matou e kotou taupau tuumau se manatu malie kia matou, ti e kotou fia tio kia matou ofaipe lomatou fia tio foki kia koutou.

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Uluaki tosi kia Timoteo 1:11

leia e mulimuli ki le Evaselio o le kololia o le Atua manuia, Evaselio leia kua tuku mai kiate au.

Uluaki tosi kia Timoteo 1:19

o ke taupau le tui, ti mo se atamai malie, leia kua tiaki e ni iki, o tupu ai le maumau o lalatou tui.

Lua tosi kia Timoteo 4:7

Na kau tau le tau malie, na kau makape o kaku ki le fakaoki, na kau taupau le tui.

Tito 2:10

ke aua na lotou kaia, kae ke lotou fakasa tuumau se agatonu mo agamalie tuumau kia latou i nea fuli, o tupu ke lotou fakasa i nea fuli le kololia o le akonaki a le Atua ko lotatou Fakamauli.

Filemo 1:5

talie kua kau logo ki le tui leia e ke maua ki le Aliki ko Sesu, ti mo lou alofa ki le kau sagato fuli.

Sakopo 3:18

Talie e muluki le fua o le faitotonu i le tokamalie e latou ala e afa ia le tokamalie.

Lua tosi a Petelo 3:11

O tupu e maumaui loa a nea fuli ana, e tonu ke kotou asilisili maokioki ake i okoutou mauli ti mo lokoutou alofa ki le Atua.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Suta 1:3

Alofaina, na kau oli lasi ke fai tosi atu kia koutou o uiga mo lotatou saofaki fakatasi, kae na kau logoi se fakamaua ke kau fai atu kia koutou le tosi leinei ke ekenaki ai koutou ke tau ki le tui leia kua tuku tua tasi ki le kau sagato.