Filipe 1:26 - Tosi Tapu

²⁶ o tupu, i laku toe liliu atu kia koutou, ke kotou maua iate au se nea ke kotou fakakololia ai ia Sesu-Kilisito.

Filipe 1:26 ပူးပေါင်းရင်းမြစ်များ

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Soane 16:22

Ko koutou foki, e kotou nonofo i le aso nei i le mamae ; kae e kau toe tio loa kia koutou, ti e fiafia loa okoutou loto, ti e leaise too loa e se tasi lokoutou fiafia meia koutou.

Soane 16:24

O kaku mai ki le lakaga nei, na leaise kotou kole fua se nea i loku suafa. Kotou kole, ti e kotou tali loa, o tupu ke katoa lokoutou fiafia.

Lua tosi ki le kau Kolinto 1:14

I le aso nei kua kotou kamata iloa ko lokoutou kololia ko maua, kae e kotou liliu loa ko loma kololia i le aso o le Aliki Sesu.

Lua tosi ki le kau Kolinto 5:12

Talie e leaise ma fia mata malie atu kia koutou, kae e ma tuku atu kia koutou le faigamalie ke kotou fakakololia ai o tupu ko maua, ti ke kotou maua ai se tali kia latou ala e fakakololia i nea ala e sa i tafa kae e leaise au mei le loto.

Lua tosi ki le kau Kolinto 7:14

Ti kapau i ona mua na kau fakakololia fakaikiiki kia koutou, e leaise kau luma i ai ; kae, ofaipe la ma fakasa tuumau le maoki, na toe maoki foki le nea leia na ma fakakololia ai i mua o Tito.

Lua tosi ki le kau Kolinto 7:4

E kau nofo mo se fanaki lasi kia koutou, e kau fiafia loa kia koutou i nea fuli ; e kau apele i le fakafimalie, e kau apele pipi i le fiafia i loto malie o mamae fuli.

Lua tosi ki le kau Kolinto 7:6

Kae ko le Atua, leia e fakafimalie ia latou ala kua tiaki ki lalo, na fakafimalie ia maua ki le kaku mai a Tito,

Kalate 6:4

Kae ke tasi asiasii e le tagata ana gaoi totonu, ti o feala loa ke fakakololia a ia iate ia toka tasi, kae leai i se tasi ake,

Filipe 3:1

Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Filipe 4:10

Na kau logoi se fiafia lasi i le Aliki i laku tio kua kotou toe fakafoou le maoki o lokoutou alofa kiate au ; ko le maoki, na kotou manatu tuumau kiate au, kae na leaise kotou maua ia fua se faigamalie ke fakasa ai a ia.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.