Filipe 1:20 - Tosi Tapu

²⁰ o mulimuli ki loku oli makeke ti mo laku amanaki malie, e leaise kau luma loa i se nea fua, kae i le temi nei ofaipe temi fuli ai, e fakakololia loa Kilisito i loku tino, pe kau mauli, pe kau mate ;

Filipe 1:20 ပူးပေါင်းရင်းမြစ်များ

Pesalemo 119:116

Tokoi au o mulimuli ki lau fakapapau, o tupu ke kau mauli, Kae aua na ke tuku ke kau luma i loku amanaki malie !

Pesalemo 119:80

Ke maoki loku loto i le fai o au fakatuutuu, O tupu ke aua na kau apele i le luma !

Pesalemo 25:2

Loku Atua ! e kau fanaki kiate koe ; ke aua na ke tuku au ki le luma ! Ke aua na fiafia oku fili iate au !

Pesalemo 62:5

E lotou fakakaukau ke fakaifo a ia i lona tuulaga taualuga ; E lotou maua lolatou fiafia i le loi ; E lotou tapuaki i olatou gutu, Kae e lotou fakamalaia i olatou loto. - Manava.

Taagapati 10:28

Ko le amanaki malie a le kau agatonu ko le fiafia ata, Kae e vaiga le amanaki malie a le kau agaveli.

Taagapati 23:18

Talie ko se apogipogi a ia kiate koe, Ti e leaise puli noa loa lau amanaki malie.

Esaia 45:17

Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esaia 50:7

Kae na tokoi kiate au e le Aliki, le Eteleno ; Koia na leaise kau matagafua ai, Koia na kau fakafefeka ai oku mata ofaipe se fa fatu, Talie e kau iloa e leaise kau luma loa.

Esaia 54:4

Aua na ke i ki se nea, talie e leaise ke luma loa ; Aua na ke liliko, talie e leaise ke telefua loa ; Kae e ke galoi loa le luma o lou temi tupulaga, Ti e leaise ke toe manatui loa le matagafua o lou temi lokonui.

Soane 21:19

Na fakasa e ia le nea lena ke fakailo ai le mate leia e fakakololia ai loa e Petelo le Atua. I le oki o lana masau lena, na pati loa Sesu kiate ia : Muli mai iate au.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 21:13

Ti na tali loa Paulo : Kolea e kotou fai ia, o fetagisi ke fatii ai loku loto ? Talie kua kau teuteu, o leaise gato fua ke saisai au, kae ke kau toe mate foki i Selusalemi o tupu ko le suafa o le Aliki ko Sesu.

Gaoi 4:31

I le oki o lalatou faikole, na galulu loa le ganea leia na lotou fakatasi ai ; ti na lotou apele fuli loa i le Laumalie Maokioki, ti na lotou fakasa loa le folafola a le Atua i le makeke katoa.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Loma 8:19

Koia e talitali ai le malama nei mo se oli mamae ki le fakasa o vosa o le Atua.

Loma 9:33

ofaipe lona tuu i le Tosi : Ko leinei, e kau tuku i Sione se fatu fakatupu siga Ti mo se utu fakatupu malaia, Ti ko leia e tui kiate ia e leaise luma loa.

Uluaki tosi ki le kau Kolinto 15:31

I le aso taki tasi e fakaali au ki le mate, e kau fakasa atu, fetaina, i le kololia leia e kau maua o tupu ko kotou ia Sesu-Kilisito lotatou Aliki.

Uluaki tosi ki le kau Kolinto 6:20

Talie kua totogi koutou ki se totogi lasi ai. Koia ke kotou fakakololia le Atua i lokoutou tino mo lokoutou laumalie, ala e maua e le Atua.

Uluaki tosi ki le kau Kolinto 7:34

E toe fai kesekese foki le fafine avaga mo le taine taupoou : ko le fafine leia e leaise avaga e tokaga ki nea o le Aliki, o tupu ke maokioki a ia i le tino mo le laumalie ; kae ko le fafine leia kua avaga e tokaga ki nea o le malama nei, ti mo puleaki ke fiafia ai lona avaga.

Lua tosi ki le kau Kolinto 10:8

Ti kapau foki na kau fakakololia a au totonu o lasi fakaikiiki i le pule leia kua tuku mai kiate au e le Aliki ki lokoutou faufau, kae leai ki lokoutou maumaui, e leaise kau luma ai.

Lua tosi ki le kau Kolinto 3:12

Koia i lama maua le amanaki malie lena, e ma apele loa i le loto toa,

Lua tosi ki le kau Kolinto 4:10

E ma fafa tuumau i oma tino le mate o Sesu, o tupu ke fakasa foki le mauli o Sesu i oma tino.

Lua tosi ki le kau Kolinto 5:15

ti na mate a ia ki tagata fuli, o tupu ko latou ala e mauuli ke aua na lotou mauli kia latou totonu, kae ki leia na mate ti na toe tuuake o tupu ko latou.

Lua tosi ki le kau Kolinto 7:14

Ti kapau i ona mua na kau fakakololia fakaikiiki kia koutou, e leaise kau luma i ai ; kae, ofaipe la ma fakasa tuumau le maoki, na toe maoki foki le nea leia na ma fakakololia ai i mua o Tito.

Lua tosi ki le kau Kolinto 7:4

E kau nofo mo se fanaki lasi kia koutou, e kau fiafia loa kia koutou i nea fuli ; e kau apele i le fakafimalie, e kau apele pipi i le fiafia i loto malie o mamae fuli.

Filipe 1:14

ti ko le lasiga o fetaina i le Aliki na loto makeke o tupu ko oku sai, ti mo toe asilisili toa o fakasa le Evaselio, sala i.

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Uluaki tosi a Petelo 4:16

Kae kapau e mamae se tasi ofaipe se kilisiteano, ke aua na luma a ia, kae ke fakakololia a ia ki le Atua, o tupu ko le igoa lena.

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.