Filemo 1:6 - Tosi Tapu

⁶ E kau kole kiate ia ke fakatupu e le komunio leia e sai ia akoe kia maua i le tui, se iloa lasi o nea malilie fuli ala e tou maua i lotatou mauli ia Kilisito.

Filemo 1:6 ပူးပေါင်းရင်းမြစ်များ

Mateo 25:16

Ko leia na tali ia a fa tenalio e lima na ano aifai a ia, o fakagaoii latou ke fua, ti na toe maua loa e ia ni iki ake fa tenalio e lima.

Mateo 5:16

Ke mu lokoutou malama i mua o tagata, o tupu ke lotou tio ki akoutou gaoi malilie, ti ke lotou fakakololia ki lokoutou Tamana leia e nofo i le atu lagi.

Uluaki tosi ki le kau Kolinto 14:25

ti e fakasa loa a manatu fakapulipuli o lona loto ; ti e fakamapee loa a ia ki le kele, o atolasio ki le Atua, mo fakasa e nofo maoki ai le Atua ia koutou.

Uluaki tosi ki le kau Kolinto 16:9

talie kua fakamavaa mai kiate au se matapa lasi mo aoga, ti e toka api le kau fakafesagai.

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Tito 3:14

E tonu ke ako e latou foki ala o tatou, ke lotou fai a gaoi malilie ala e aoga ki nea fakavilivili, o tupu ke lotou mauli aoga.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Sakopo 2:14

Ei oku fetaina, kolea lona aoga ki se tasi ke pati a ia e maua e ia le tui, mo kapau e leaise maua e ia a gaoi ? Pe feala ke fakamauli a ia e le tui lena ?

Sakopo 2:17

E toe fenaaki foki mo le tui : kapau e leaise maua e ia a gaoi, kae tuu toka tasi a ia, e mate a ia.

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Petelo 3:1

Fafine avaga, kotou fakataulalo i nea fuli ki okoutou avaga, o tupu, kapau e leaise fakalogo ni iki ki le folafola, ke aumai latou ki le tui e le aga a le fafine, sala folafola,

Uluaki tosi a Petelo 3:16

ti ke kotou maua se loto lauatea, o tupu, i le nea leia e lotou lau veli ai kia koutou ofaipe ni tagata agaveli koutou, ke lotou luma, latou ala e fai loi ki lokoutou mauli malie ia Kilisito.

Lua tosi a Petelo 1:8

Talie kapau e kotou maua a nea ana o lasi ia koutou, e leaise lotou tuku loa koutou ke nonofo noa mo sala fua i le iloa o lotatou Aliki ko Sesu-Kilisito.