Esitele 9:5 - Tosi Tapu

⁵ Na taai loa e le kau Sutea olatou fili fuli ki le seleta, mo se matea lasi, ti mo se maumaui lasi. Na lotou fai loa ki olatou fili o mulimuli ki olatou loto.

Esitele 9:5 ပူးပေါင်းရင်းမြစ်များ

Neemia 9:24

Ti na ulu loa olatou vosa o maua le fenua, ti na ke fakagaegae loa i olatou mua le kakai o le fenua o Kanaane, ti na ke tuku loa olatou sau mo le kakai o le fenua ki olatou lima, o tupu ke lotou fai kia latou o mulimuli ki olatou loto.

Esitele 3:13

Ti na ave loa a tosi e ni kau avetosi ki fenua fuli o le sau, o tupu ke maumaui, mo tamate ti mo fakapuli le kakai Sutea katoa, a tupulaga mo matua, a toe mo fafine, i se aso e tasi, i le aso kau agafulu tupu tolu o le masina kau agafulu tupu lua, leia ko le masina o Atale, ti ke tuku ke too olatou koloa.

Esitele 8:11

I tosi ana, na fakataga e le sau ki le kau Sutea, i kolo fuli ala e lotou nonofo ai, ke lotou fakatasi ti ke lotou puipui olatou mauli, ke lotou maumaui, ke lotou tamate, ti ke lotou fakapuli, mo olatou fanau liliki ti mo alatou avaga, latou fuli o kakai taki tasi mo fenua taki tasi, ala e too ia loa ni masafu tau kia latou, ti ke lotou too olatou koloa.

Esitele 9:6

I Suse, le kolo mua, na tamate loa o fakapuli e le kau Sutea ni tagata e tino lelau lima,

Pesalemo 92:12

E fiafia loku mata i le tio ki oku fili, Ti mo loku taliga i le logo ki le kau agaveli e vesia kiate au.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,