Esitele 9:30 - Tosi Tapu

³⁰ Na ave loa ni tosi ki le kau Sutea fuli i fenua e kau lelau kau lua tupu fitu o le sau ko Asuelusi. Ti na ave i ai ni fakaamu ki le tokamalie mo le agatonu.

Esitele 9:30 ပူးပေါင်းရင်းမြစ်များ

Senesi 23:1

Ko le mauli o Sala na fetuu kau lelau kau lua tupu fitu : ko le lasi a ia o fetuu o le mauli o Sala.

Esitele 1:1

Na soko le isitolia leinei i le temi o Asuelusi, le Asuelusi leia na pule i Initia o kaku ki Etiopia ki fenua e kau lelau kau lua tupu fitu.

Esitele 8:9

Ti na fakatotonu loa ke au le kau sekalaipe a le sau i le temi lena, i le aso kau lua tupu tolu o le masina tolu, leia ko le masina o Sivane, ti na fai loa ni tosi, o mulimuli ki nea fuli ala na fakatotonu e Maletoseo, ki le kau Sutea, mo le kau pule lalasi, mo le kau kovana ti mo le kau pule o fenua e kau lelau kau lua tupu fitu, ala na tutuu mei Initia o kaku ki Etiopia, ki le fenua taki tasi o mulimuli ki lana faitosi, ki le kakai taki tasi o mulimuli ki lana masau, ki le kau Sutea o mulimuli ki lalatou faitosi mo lalatou masau.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Esaia 32:17

Ko le gaoi a le faitotonu ko le tokamalie, Ti ko le fua o le faitotonu ko le malolo mo le fimalie o lee gato.

Esaia 39:8

Na tali loa Esekiasi kia Esaia : E malie le folafola a le Eteleno leia kua ke fakasa. Ti na toe pati loa a ia : Talie e tokamalie loa mo fimalie loa i loku mauli.

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.