Esitele 9:2 - Tosi Tapu

² Na fakatasi loa le kau Sutea i olatou kolo, i fenua fuli o le sau ko Asuelusi, ke lotou taofi latou fuli ala na loto ki lolatou puli ; ti na leaise tasi fua na mafai ke tuu i olatou mua, talie kua vilo ki kakai fuli le i ki le kau Sutea.

Esitele 9:2 ပူးပေါင်းရင်းမြစ်များ

Senesi 35:5

Ti na lotou ano loa. Na mafola loa le i ki le Atua i kolo fuli ala na ofi kia latou, ti na leaise tuli loa e se tasi a vosa o Sakopo.

Esitele 8:11

I tosi ana, na fakataga e le sau ki le kau Sutea, i kolo fuli ala e lotou nonofo ai, ke lotou fakatasi ti ke lotou puipui olatou mauli, ke lotou maumaui, ke lotou tamate, ti ke lotou fakapuli, mo olatou fanau liliki ti mo alatou avaga, latou fuli o kakai taki tasi mo fenua taki tasi, ala e too ia loa ni masafu tau kia latou, ti ke lotou too olatou koloa.

Esitele 8:17

I le fenua taki tasi, mo le kolo taki tasi, ti mo ganea fuli ala na kaku ki ai le fakatotonu a le sau, na maua loa e le kau Sutea se fiafia lasi mo se nekenekea, ni kaitasi mo ni fakafiafia. Ti na liliu loa o Sutea se toka api i la ake kakai, talie na vilo loa kia latou le i ki le kau Sutea.

Esitele 9:10

Mo vosa e tino agafulu o Amane, vosa o Ametata, le fili o le kau Sutea. Kae na leaise lotou maumaui loa le kolo.

Pesalemo 71:13

Ke lotou luma, ti ke lotou malaia latou ala e loto ki loku mauli ! Ke lotou apele i le luma mo le malaia, latou ala e afa ki loku mate !

Pesalemo 71:24

E fakasa loa e loku alelo lou faitotonu i aso fuli, Talie kua luma mo mamae latou ala e afa ki loku mate.

Ekesote 23:27

E kau kakau loa i ou mua le i kiate au : e kau kapu loa a kakai fuli ala e kotou taui loa, ti e kau fakasosola loa ou fili fuli i ou mua.

Esaia 8:9

Kakai, ke kotou fakamapa ni kalaga tau ! ti e fatifatii loa koutou ; Kotou fakalogo mai okoutou taliga, koutou fuli ala e nonofo i mamao ! Kotou teuteu ki le tau, ti e fatifatii loa koutou ; Kotou teuteu ki le tau, ti e fatifatii loa koutou.

Tetelonome 2:30

Kae na leaise tali loa e Sioni, sau o Eseponi, ke motou fakalaka i lona fenua ; talie na fakafefeka loa e le Eteleno, lou Atua, lona ulu mo lona loto, o tupu ke tuku a ia ki lou lima, ofaipe lau tio ki ai i le aso nei.

Sosue 11:20

Talie na fakataga e le Eteleno ke fakafefeka a loto o puleaga ana o tau ki Iselaele, o tupu ke tamate latou e Iselaele, ti ke aua na maua loa se alofa kia latou, kae ke tamate latou ke puli oki, o mulimuli ki le nea leia na fakatotonu e le Eteleno kia Moisese.

Sosue 2:9

ti na pati loa a ia ki le sa tagata : E kau iloa kua tuku atu e le Eteleno kia koutou le fenua leinei ; ti kua vilo kia matou le i kia koutou, ti kua loto gaegae le kakai fuli o le fenua leinei, o tupu ko koutou.