Esitele 9:10 - Tosi Tapu

¹⁰ Mo vosa e tino agafulu o Amane, vosa o Ametata, le fili o le kau Sutea. Kae na leaise lotou maumaui loa le kolo.

Esitele 9:10 ပူးပေါင်းရင်းမြစ်များ

Senesi 14:23

E leaise kau too ia loa se nea i au nea fuli, tatau aifai pe ko sega filo e tasi, pe ko se vasai taka e tasi, o tupu ke aua na ke pati : Kua kau fakakoloa ia Apalamo. E leaise nea fua kiate au !

Senesi 34:27

Na oso ake loa a vosa o Sakopo ki mate, o tatala olatou teu, ti na lotou too loa a koloa o le kolo, o tupu ko le pikoi leia na fai ki lolatou tuagaane.

Esitele 3:1

I le sili o nea ana, na fakatotonu loa e le sau ko Asuelusi ke siki ki aluga a Amane, vosa o Ametata, le tagata Akake ; na siki loa e ia lona igoa ti mo lona tuulaga i aluga o le kau aliki katoa leia na nofo i ona tafa.

Esitele 3:13

Ti na ave loa a tosi e ni kau avetosi ki fenua fuli o le sau, o tupu ke maumaui, mo tamate ti mo fakapuli le kakai Sutea katoa, a tupulaga mo matua, a toe mo fafine, i se aso e tasi, i le aso kau agafulu tupu tolu o le masina kau agafulu tupu lua, leia ko le masina o Atale, ti ke tuku ke too olatou koloa.

Esitele 5:11

Na masau loa Amane kia latou ki le lasi mo le fulumalie o ona koloa, mo le lasi o ona vosa, mo nea fuli ala na fai e le sau ke fakaalialiki ai a ia, mo le tuulaga leia na soli ake e le sau kiate ia i aluga o le kau pule mo le kau tagata fakasausau a le sau.

Esitele 7:4

Talie kua fakatau matou, a au mo loku kakai, ke maumaui, ke tamate, ke fakapuli. Ti kapau na fakatau matou ke motou liliu fua ko ni tagata mo ni fafine fakasausau, e kau fakaleemu loa, talie e leaise uiga ke fakapakia le sau ki le nea lena.

Esitele 7:6

Na tali loa Esitele : Ko le tagata agatuu, ko le fili, ko Amane, le tagata agaveli lena ! Na maua loa e Amane se i lasi i mua o le sau mo le fafine sau.

Esitele 8:11

I tosi ana, na fakataga e le sau ki le kau Sutea, i kolo fuli ala e lotou nonofo ai, ke lotou fakatasi ti ke lotou puipui olatou mauli, ke lotou maumaui, ke lotou tamate, ti ke lotou fakapuli, mo olatou fanau liliki ti mo alatou avaga, latou fuli o kakai taki tasi mo fenua taki tasi, ala e too ia loa ni masafu tau kia latou, ti ke lotou too olatou koloa.

Esitele 9:11

I le aso lena, na fakasa ki le sau le lasi o latou ala na tamate i Suse, le kolo mua.

Esitele 9:9

Mo Palemasita, mo Alisai, mo Alitai ti mo Vasesata,

Pesalemo 21:10

E ke fakaliliu loa latou ofaipe se gutuumu kaka, I le aso leia e ke fakasa ai loa a koe. E maumaui loa latou e le Eteleno i lona sausau, Ti e tutu loa latou e le afi.

Ekesote 17:16

Ti na pati loa a ia : Talie na siki e Amaleke lona lima ki le ekeekeaga fakasau o le Eteleno, e fakapapau le Eteleno, e taui tuumau loa e le Eteleno a Amaleke, i tautupu mo tautupu.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Taniela 6:24

Na fakatotonu loa e le sau ke aumai ki ona mua a tagata ala na fakalakasala ia Taniela, ti ke ti latou ki le popoko o laione, latou mo alatou fanau ti mo alatou avaga ; ti na leikiaise lotou kaku ki le takele o le popoko, kae kua tapo latou e laione, o gugu olatou ivi fuli.

Loma 12:17

Aua na kotou totogi ki se tasi le veli ki le veli. Kotou afa le nea e malie i mua o tagata fuli.

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.