Esitele 8:9 - Tosi Tapu

⁹ Ti na fakatotonu loa ke au le kau sekalaipe a le sau i le temi lena, i le aso kau lua tupu tolu o le masina tolu, leia ko le masina o Sivane, ti na fai loa ni tosi, o mulimuli ki nea fuli ala na fakatotonu e Maletoseo, ki le kau Sutea, mo le kau pule lalasi, mo le kau kovana ti mo le kau pule o fenua e kau lelau kau lua tupu fitu, ala na tutuu mei Initia o kaku ki Etiopia, ki le fenua taki tasi o mulimuli ki lana faitosi, ki le kakai taki tasi o mulimuli ki lana masau, ki le kau Sutea o mulimuli ki lalatou faitosi mo lalatou masau.

Esitele 8:9 ပူးပေါင်းရင်းမြစ်များ

Lua tosi o Sau 18:26

Na pati loa Eliakimi, vosa o Ilekisa, mo Sepena ti mo Soake, kia Lapesake : Ke ke masau fakaalamea mai ki au tagata fakasausau, talie e motou matala loa ki ai ; kae aua se ke masau fakasutea mai kia matou, ke logo ki ai le kakai leia e tutuu i le paa.

Lua tosi o Koloniko 15:10

Na lotou fakatasi mai loa ki Selusalemi i le tolu o masina o le kau agafulu tupu lima fetuu o le sau o Asa.

Esitele 1:1

Na soko le isitolia leinei i le temi o Asuelusi, le Asuelusi leia na pule i Initia o kaku ki Etiopia ki fenua e kau lelau kau lua tupu fitu.

Esitele 1:22

Na fakamomoli loa e le sau ko Asuelusi ni tosi ki fenua fuli o lona puleaga, ki fenua taki tasi o mulimuli ki lana faitosi ti mo kakai taki tasi o mulimuli ki lana masau ; ti na fakamaua e tosi ana ke pule le tagata i lona fale, ti ke masau a ia i le masau o lona kakai.

Esitele 10:1

Na fakatuu loa e le sau ko Asuelusi se tukusau ki fenua mo motu o le tai.

Taniela 4:1

Ko le sau ko Nepukatenesale, ki kakai fuli, mo puleaga, mo tagata o masau kesekese fuli, e nonofo i le malama nei katoa. Ke soli atu kia koutou le tokamalie o lasi !

Taniela 6:1

Na malie loa kia Taliusi ke fakanofo i le ulu o le puleaga se kau aliki e tino lelau tino lua, ke nonofo i le puleaga katoa.

Taniela 6:25

I le sili o le nea lena, na fai loa e le sau ko Taliusi se tosi ki kakai fuli, mo puleaga fuli, mo tagata mei faasiga masau kesekese, ala na nonofo i le malama nei katoa : Ke soli atu kia koutou le tokamalie o lasi !