Esitele 8:8 - Tosi Tapu

⁸ Kolua faitosi ki le kau Sutea, o mulimuli ki le nea leia e malie kia koutou, i le igoa o le sau, ti kolua fakamaoki ki le mama o le sau ; talie e leaise feala ke toe soloi se tosi leia kua fai i le igoa o le sau ti kua fakamaoki ki le mama o le sau.

Esitele 8:8 ပူးပေါင်းရင်းမြစ်များ

Uluaki tosi o Sau 21:8

Ti na fai loa e ia ni tosi i le igoa o Akapo ala na fakamaoki loa e ia ki le pooi o le sau, ti na fakamomoli loa e ia ki le kau matua mo le kau pule ala na nonofo mo Napote i lona kolo.

Esitele 1:19

Koia kapau e malie a ia ki le sau, ti ke fai e ia se lao fakasau, ti ke tosi a ia i le lao a le kau Pelesi mo le kau Meti, o tupu ke aua na toe maumaui a ia, ti ke aua na toe sa loa le fafine sau ko Vaseti i mua o le sau ko Asuelusi, ti ke soli loa e le sau lona tuulaga ko le fafine sau ki se tasi ake leia e malie ake iate ia.

Esitele 3:12

Na kalagai loa le kau sekalaipe a le sau i le aso kau agafulu tupu tolu o le uluaki masina, ti na tosi loa o mulimuli ki le nea katoa leia na fakatotonu e Amane ki le kau aliki katoa a le sau, mo le kau kovana o le fenua taki tasi ti mo le kau pule o le kakai taki tasi, ki le fenua taki tasi o mulimuli ki lana faitosi, ki le kakai taki tasi o mulimuli ki lana masau. Na tosi loa i le igoa o le sau ko Asuelusi, o fakamaoki ki le mama o le sau.

Esitele 8:10

Na fai loa ni tosi i le igoa o le sau ko Asuelusi, ti na fakamaoki loa ki le mama o le sau. Na ave loa a tosi e ni tagata avetosi ala na eke loa i ni osi, mo ni mule, ti mo ni kamelo.

Esitele 8:5

Ti na pati loa Esitele : Kapau e malie mo totonu ki le sau, ti kapau kua kau maua se kalasia i ona mua ti kua ke alofa kiate au, ke fai se tosi o soloi ai a tosi ala na fakatupu e Amane, vosa o Ametata, le tagata Akake, ala na tosi e ia, o tupu ke tamate le kau Sutea leia e nofo i kolo fuli o le sau.

Taniela 6:8

I le lakaga nei, ei sau, fakamaoki le tapu leinei, ti ke tosi le lao, o tupu ke aua na toe fetogi, o mulimuli ki le lao a le kau Meti mo le kau Pelesi, leia e leaise toe fulusi.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.