Esitele 8:6 - Tosi Tapu

⁶ Talie e feaki loa laku tio ki le malaia leia ka soko loa ki loku kakai, ti e feaki loa laku tio ki le maumaui o loku lanu ?

Esitele 8:6 ပူးပေါင်းရင်းမြစ်များ

Senesi 44:34

Pe feaki loa laku toe liliu ki loku tamana, kae leaise pale loa le toe mo au ? Ke aua na kau tio loa ki le mamae o loku tamana !

Neemia 2:3

Ti na kau tali loa ki le sau : Ke mauli le sau o lee gato ! Pe feaki loa ke aua se kau mata mamae kae maumau le kolo leia e tuu ai a tanuma o oku tamana, ti kua tutu o okioki ona matapa e le afi ?

Esitele 7:4

Talie kua fakatau matou, a au mo loku kakai, ke maumaui, ke tamate, ke fakapuli. Ti kapau na fakatau matou ke motou liliu fua ko ni tagata mo ni fafine fakasausau, e kau fakaleemu loa, talie e leaise uiga ke fakapakia le sau ki le nea lena.

Esitele 9:1

I le masina kau agafulu tupu lua, leia ko le masina o Atale, i le aso tolu o le masina, aso leia e tonu ke fakasoko ai le fakatotonu mo le lao a le sau, ti ko le aso lena na amanaki ki ai a fili o le kau Sutea ke lotou pulei ai loa le kau Sutea, na mafuli loa a nea fuli, ti na pulei loa e le kau Sutea olatou fili.

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Loma 10:1

Fetaina, ko le fakaamu o loku loto ti ko laku kole ki le Atua o uiga mo latou, ke lotou saofaki.