Esitele 8:5 - Tosi Tapu

⁵ Ti na pati loa Esitele : Kapau e malie mo totonu ki le sau, ti kapau kua kau maua se kalasia i ona mua ti kua ke alofa kiate au, ke fai se tosi o soloi ai a tosi ala na fakatupu e Amane, vosa o Ametata, le tagata Akake, ala na tosi e ia, o tupu ke tamate le kau Sutea leia e nofo i kolo fuli o le sau.

Esitele 8:5 ပူးပေါင်းရင်းမြစ်များ

Esitele 2:17

Na mamana lasi loa le sau kia Esitele o lasi ake i la ake fafine fuli, ti na maua loa e ia le kalasia mo le alofa i mua o le sau o lasi ake i la ake taineliki fuli. Na teki loa e ia le pala fakasau ki le ulu o Esitele, ti na fakanofo loa e ia Esitele ko le fafine sau o fetogi Vaseti.

Esitele 2:4

Ti e mailoga le taine leia e malie loa ki le sau, ke liliu loa a ia ko le fafine sau o fetogi Vaseti. Na malie loa le manatu lena ki le sau ti na fai loa a ia ki ai.

Esitele 3:1

I le sili o nea ana, na fakatotonu loa e le sau ko Asuelusi ke siki ki aluga a Amane, vosa o Ametata, le tagata Akake ; na siki loa e ia lona igoa ti mo lona tuulaga i aluga o le kau aliki katoa leia na nofo i ona tafa.

Esitele 5:8

Kapau kua kau maua se kalasia i mata o le sau, ti kapau e fiafia le sau o tali malie laku kole mo fai le nea leia e kau oli ki ai, ke toe au le sau mo Amane ki le kai leia e kau teuteui loa kia laua, ti e kau tuku loa laku tali ki le sau o mulimuli ki lana fakatotonu.

Esitele 7:3

Na tali loa le fafine sau ko Esitele : Kapau kua kau maua se kalasia i ou mata, ei aliki sau, ti kapau e malie le nea leinei ki le sau, soli mai kiate au le mauli, ko laku kole a ia, ti saofaki loku kakai, ko le oli a ia o loku loto !

Ekesote 33:13

I le temi nei, kapau kua kau maua lou alofa, fakasa mai kiate au ou ala ; ti e kau iloa maoki loa a koe, ti e kau toe maua loa lou alofa. Ke aua na galo kiate koe ko le kakai leinei ko lou kakai totonu.

Ekesote 33:16

Kapau e leaise ke saele a koe totonu mo matou, pe motou iloa feaki loa kua ke alofa kiate au mo lou kakai ? Pe leaise ko le temi loa leia e ke saele ai loa a koe totonu mo matou, ti e ke fakakese ai loa au mo lou kakai i kakai fuli i aluga o le malama nei ?

Uluaki tosi a Samuele 20:29

Na pati mai a ia : E kau kole atu kiate koe ke tuku mai ke kau ano, talie e i ai lamatou sakilifisio fakafamili i le kolo, ti kua fakasa mai a ia kiate au e loku taina ; ti ko leinei, kapau kua kau maua se kalasia i ou mua, ti e kau kole atu kiate koe ke fakataga mai kiate au ke kau ano fakatavili ki oku fetaina. Koia leia na leaise au ai a ia ki le laupapa o le sau.