Esitele 8:3 - Tosi Tapu

³ Ti na toe masau loa Esitele i mua o le sau. Na fakamapee loa a ia ki vae o le sau, o tagi ti mo kole kiate ia ke taofi e ia le veli leia na lagai e Amane, le tagata Akake, ti mo le fai o ana fakatuutuu ki le kau Sutea.

Esitele 8:3 ပူးပေါင်းရင်းမြစ်များ

Lua tosi o Sau 4:27

Kae i lana kaku loa ki le tagata a le Atua i le mauga, na sogi loa le fafine ki vae o le polofeta. Na fakafeofi ake loa Keasi ke tekei kese le fafine. Kae na pati loa le tagata a le Atua : Tuku a ia talie kua mamae lona loto iate ia, ti kua fufu mai a ia e le Eteleno kiate au, o leaise fakasa mai a ia kiate au.

Esitele 3:1

I le sili o nea ana, na fakatotonu loa e le sau ko Asuelusi ke siki ki aluga a Amane, vosa o Ametata, le tagata Akake ; na siki loa e ia lona igoa ti mo lona tuulaga i aluga o le kau aliki katoa leia na nofo i ona tafa.

Esitele 7:4

Talie kua fakatau matou, a au mo loku kakai, ke maumaui, ke tamate, ke fakapuli. Ti kapau na fakatau matou ke motou liliu fua ko ni tagata mo ni fafine fakasausau, e kau fakaleemu loa, talie e leaise uiga ke fakapakia le sau ki le nea lena.

Esitele 8:2

Na too loa e le sau lona mama, leia na too e ia ia Amane, o soli a ia kia Maletoseo ; ti na fakanofo loa e Esitele a Maletoseo ke pule ki le fale o Amane.

Esitele 8:4

Na velo loa e le sau lona tokotoko aulo kia Esitele, leia na malaga ake loa ki aluga, o tuu i mua o le sau.

Esaia 38:2

Na maliu loa Esekiasi o fakaagaaga ona mata ki le paa, o fai le kole leinei ki le Eteleno :

Oseo 12:4

I le manava o le tinana na kukumi loa e Sakopo le mulivae o lona taina, Ti na poko loa a ia mo le Atua i le temi o lona makeke.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Uluaki tosi a Samuele 25:24

Ti na punou loa a ia ki vae o Tavite, o pati : A aku le sala, ei loku aliki ! Fakataga mai ki lau fafine fakasausau ke masau ki ou taliga, ti ke fakalogo mai ki masau a lau fafine fakasausau.