Esitele 8:2 - Tosi Tapu

² Na too loa e le sau lona mama, leia na too e ia ia Amane, o soli a ia kia Maletoseo ; ti na fakanofo loa e Esitele a Maletoseo ke pule ki le fale o Amane.

Esitele 8:2 ပူးပေါင်းရင်းမြစ်များ

Senesi 41:42

Ti na too loa e Falaone lona mama i lona lima o velo ki le lima o Sosefo ; ti na fakakofu loa e ia Sosefo ki ni kofu tetea fulumalilie, ti na fakatau loa e ia se kasoa aulo ki lona ua.

Esitele 10:2

Ko ana gaoi fuli o lona makeke, mo lona toa ti mo nea fuli o lana siki a Maletoseo ki le tuulaga taualuga, pe leaise tosi latou i le tosi talatuku o sau o Meti mo Pelesi ?

Esitele 3:10

Na too loa e le sau lona mama i lona lima o soli kia Amane, vosa o Ametata, le tagata Akake, le fili o le kau Sutea.

Esitele 8:3

Ti na toe masau loa Esitele i mua o le sau. Na fakamapee loa a ia ki vae o le sau, o tagi ti mo kole kiate ia ke taofi e ia le veli leia na lagai e Amane, le tagata Akake, ti mo le fai o ana fakatuutuu ki le kau Sutea.

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Taniela 2:48

Ti na siki loa e le sau ki aluga Taniela, ti na soli loa e ia kiate ia ni nea alofa mauiga mo lasi ai ; na soli loa e ia kiate ia le pule o le fenua katoa o Papilone, ti na fakanofo loa e ia a ia ko le pule lasi o le kau poto fuli o Papilone.

Luka 15:22

Kae na pati loa le tamana ki ana tagata fakasausau : Kotou aumai vave le kofu fulumalie oki, ti kotou tui a ia kiate ia ; kotou velo mo se mama ki lona maikao, ti kotou tui mo ni taka ki ona vae.