Esitele 8:14 - Tosi Tapu

¹⁴ Na ano aifai a kau tagata avetosi, i ni osi, mo ni mule, ti mo ni kamelo, o lotou fakatavili, o fai ki le fakatotonu a le sau. Na fakasa foki le lao i Suse, le kolo mua.

Esitele 8:14 ပူးပေါင်းရင်းမြစ်များ

Uluaki tosi o Sau 4:28

Na lotou tokaga foki ke ave le olese mo le mouku ki osi mo manu mauvave i le ganea leia e nofo ai le sau, o mulimuli le tagata taki toka tasi ki fakatotonu ala na tuku kiate ia.

Lua tosi o Koloniko 30:6

Na ano loa a tagata avelogo mo tosi a le sau mo lana kau pule i Iselaele katoa mo Suta. Ti na lotou mulimuli loa ki le fakatotonu a le sau, o lotou pati : Fanau a Iselaele, kotou toe liliu mai ki le Eteleno, le Atua o Apalaamo, mo Isaake, ti mo Iselaele, o tupu ke toe maliu mai a ia kia koutou, ga toetoega leia na sao mei lima o le sau o Asilia.

Neemia 1:1

Masau a Neemia, vosa o Akalia. I le masina o Kiseleu, i le kau lua o fetuu, na kau nofo i Suse, i le kolo mua,

Esitele 1:2

I le aso aia na eke le sau ko Asuelusi i lona ekeekeaga fakasau i Suse, ko le kolo mua.

Esitele 2:3

Ke fakanofo e le sau i fenua fuli o lona puleaga ni kau tagata, o tupu ke lotou tanaki fakatasi a taineliki taupoou mo fulumalilie fuli ki Suse, le kolo mua, ki le fale o fafine, ti ke leoleo kia latou a Ekai, le enuke a le sau, leia ko le tagata leoleo o fafine, leia e soli ia loa kia latou a nea fuli ala e aoga ki lolatou teuteui ;

Esitele 3:13

Ti na ave loa a tosi e ni kau avetosi ki fenua fuli o le sau, o tupu ke maumaui, mo tamate ti mo fakapuli le kakai Sutea katoa, a tupulaga mo matua, a toe mo fafine, i se aso e tasi, i le aso kau agafulu tupu tolu o le masina kau agafulu tupu lua, leia ko le masina o Atale, ti ke tuku ke too olatou koloa.

Esitele 3:14

Na tuku i loto o tosi ana, se siki o le tosi leia na fakatotonu e le sau ke fakasa i le fenua taki tasi, ti na fakaafe ia a kakai fuli ke nonofo teuteu ki le aso lena.

Esitele 3:15

Na ano fakatavili loa le kau avetosi, o mulimuli ki le fakatotonu a le sau. Na fakasa foki le fono lena i Suse, le kolo mua ; ti na lolotoga inu le sau mo Amane, kae na maveuveu le kolo ko Suse.

Esitele 8:13

Na tuku i loto o tosi ana se siki o le lao leia e tonu ke fakasa i le fenua taki tasi, ti na fakasa loa e tosi ana ke iloa e kakai fuli e teuteu loa le kau Sutea ki le aso lena, ke lotou totogi ki olatou fili.

Esitele 8:15

Na mavae loa Maletoseo i le fale o le sau, mo se kofu fakasau usi mo tea, mo se pala aulo lasi, ti mo se taupulupulu mauiga lanu kula. Na kalaga fakafiafia loa le kolo ko Suse ti mo nekenekea.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Taniela 8:2

I laku moe miti lena, na sakinake kiate au e kau nofo i Suse, le kolo mua o le fenua ko Elame ; i laku moe na kau tio loa e kau tuu i le laugutu o le vaitafe ko Ulai.

Uluaki tosi a Samuele 21:8

Na pati loa Tavite kia Asimeleke : Pe leaise ke maua ia se seleta pe ko se tao ? talie na leaise kau au mo laku seleta mo aku masafu, talie na fakatavili le fakatotonu a le sau.