Esitele 8:11 - Tosi Tapu

¹¹ I tosi ana, na fakataga e le sau ki le kau Sutea, i kolo fuli ala e lotou nonofo ai, ke lotou fakatasi ti ke lotou puipui olatou mauli, ke lotou maumaui, ke lotou tamate, ti ke lotou fakapuli, mo olatou fanau liliki ti mo alatou avaga, latou fuli o kakai taki tasi mo fenua taki tasi, ala e too ia loa ni masafu tau kia latou, ti ke lotou too olatou koloa.

Esitele 8:11 ပူးပေါင်းရင်းမြစ်များ

Esitele 3:13

Ti na ave loa a tosi e ni kau avetosi ki fenua fuli o le sau, o tupu ke maumaui, mo tamate ti mo fakapuli le kakai Sutea katoa, a tupulaga mo matua, a toe mo fafine, i se aso e tasi, i le aso kau agafulu tupu tolu o le masina kau agafulu tupu lua, leia ko le masina o Atale, ti ke tuku ke too olatou koloa.

Esitele 9:18

Na fakatasi loa latou ala na nonofo i Suse i le aso kau agafulu tupu tolu, mo le aso kau agafulu tupu fa, ti na lotou malolo loa i le aso kau agafulu tupu lima, ti na lotou fakatuu loa le aso lena ko se aso lasi mo fakafiafia.

Pesalemo 137:8

Taine o Papilone, leia na maumau, Manuia leia e liufaki atu ia kiate koe, Le veli leia na ke fai kia matou !

Pesalemo 68:3

Ofaipe le afu leia e viligia, e ke pusii latou ke puli ; Ofaipe le sua o le silo i le afi, e pupuli a tagata agaveli i mua o le Atua.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esekiele 39:10

E leaise lotou too loa ni fafie i faisaga, Ti e leaise lotou tuuti loa ni fafie i vaomatua, Talie e lotou tafu loa a afi ki masafu. E lotou fakamativa loa latou ala na fakamativa ia latou, E lotou kaia loa latou ala na kaia ia latou ; E pati le Aliki, le Eteleno.