Esitele 8:1 - Tosi Tapu

¹ I le aso fai lena, na soli loa e le sau ko Asuelusi ki le fafine sau ko Esitele le fale o Amane, le fili o le kau Sutea ; ti na au loa Maletoseo ki mua o le sau, talie na fakasa loa e Esitele lola kaiga mo Maletoseo.

Esitele 8:1 ပူးပေါင်းရင်းမြစ်များ

Esitele 1:14

Na i nonofo i ona tafa a Kalesena, mo Setale, mo Atemate, mo Talesisi, mo Melese, mo Malesena, ti mo Memukani, ko aliki e toka fitu o Pelesi mo Meti, ala na tio ki mata o le sau, ti na maua ia a tuulaga lalasi o lona puleaga.

Esitele 2:15

Ti na soko loa le lakaga o Esitele, ko le taine o Apikaile, tuatinana o Maletoseo, leia na taupau ia a ia ko lona taine, ke ano ai ki le sau, ti na kole loa e ia le nea fai leia na fakatotonu ake e Ekai, le enuke a le sau ki le tausi o fafine. Na alofaia Esitele e latou fuli ala na tio kiate ia.

Esitele 2:7

Na taupau e ia a Atasa, leia na igoa ko Esitele, ko le taine o lona tuatinana, talie na leai sona tamana mo sona tinana. Na kuaga malie ti na mata malie ai le taine taupoou. I le mate o lona tamana mo lona tinana, na vavae a ia e Maletoseo ko lona taine.

Esitele 7:6

Na tali loa Esitele : Ko le tagata agatuu, ko le fili, ko Amane, le tagata agaveli lena ! Na maua loa e Amane se i lasi i mua o le sau mo le fafine sau.

Esitele 8:7

Ti na pati loa le sau ko Asuelusi ki le fafine sau ko Esitele mo le Sutea ko Maletoseo : Ko leinei, kua kau soli kia Esitele le fale o Amane, ti kua tautau a ia ki le laakau o tupu ko lana falo lona lima ki le kau Sutea.

Pesalemo 39:6

Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.

Taagapati 13:22

E tuku e le tagata agamalie se tofiga ki fanau o ana fanau, Kae na tanaki a koloa o le tagata agasala ki le tagata agatonu.

Taagapati 28:8

Ko leia e fakalasi ia ona koloa ki lana paaga na soli ke toe totogi ake mo se tupu, mo se tupu mamafa, E tanaki ia latou ki leia e alofa ki le kau mativa.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?