Esitele 7:4 - Tosi Tapu

⁴ Talie kua fakatau matou, a au mo loku kakai, ke maumaui, ke tamate, ke fakapuli. Ti kapau na fakatau matou ke motou liliu fua ko ni tagata mo ni fafine fakasausau, e kau fakaleemu loa, talie e leaise uiga ke fakapakia le sau ki le nea lena.

Esitele 7:4 ပူးပေါင်းရင်းမြစ်များ

Neemia 5:5

Kae ko leinei e tatau lomatou kanofi mo le kanofi o omatou fetaina, ti e tatau amatou fanau mo alatou fanau ; ti ko leinei e tonu ke motou tuku amatou fanau ke fakapopulai, ti kua toka api i omatou taineliki kua fakapopulai ; e leaise tasi ake puleaki e motou maua, talie kua maua amatou faisaga mo omatou vite e latou ala e motou tuu maua ki ai.

Esitele 3:13

Ti na ave loa a tosi e ni kau avetosi ki fenua fuli o le sau, o tupu ke maumaui, mo tamate ti mo fakapuli le kakai Sutea katoa, a tupulaga mo matua, a toe mo fafine, i se aso e tasi, i le aso kau agafulu tupu tolu o le masina kau agafulu tupu lua, leia ko le masina o Atale, ti ke tuku ke too olatou koloa.

Esitele 3:9

Kapau e malie ki le sau, ti ke tosi le fakatotonu ke tamate latou ; ti e kau fua loa ni fa tenalio paaga e kau agafulu afe ke soli ki lima o le kau pule fenua, o tupu ke tuku latou ki le koloa a le sau.

Esitele 7:5

Ti na masau loa le sau ko Asuelusi ki le fafine sau ko Esitele, o pati : Ko ai a ia, ti kofea a ia, leia kua fia nealasi i lona loto ke fai ia le nea lena ?

Esitele 7:6

Na tali loa Esitele : Ko le tagata agatuu, ko le fili, ko Amane, le tagata agaveli lena ! Na maua loa e Amane se i lasi i mua o le sau mo le fafine sau.

Esitele 8:11

I tosi ana, na fakataga e le sau ki le kau Sutea, i kolo fuli ala e lotou nonofo ai, ke lotou fakatasi ti ke lotou puipui olatou mauli, ke lotou maumaui, ke lotou tamate, ti ke lotou fakapuli, mo olatou fanau liliki ti mo alatou avaga, latou fuli o kakai taki tasi mo fenua taki tasi, ala e too ia loa ni masafu tau kia latou, ti ke lotou too olatou koloa.

Esitele 8:6

Talie e feaki loa laku tio ki le malaia leia ka soko loa ki loku kakai, ti e feaki loa laku tio ki le maumaui o loku lanu ?

Esitele 9:25

Kae i le ano a Esitele ki mua o le sau, na fakatotonu loa e le sau i se tosi ke toe fakavilo ki le ulu o Amane le fakatuutuu veli leia na fai e ia ki le kau Sutea, ti ke tautau a ia ki le laakau, a ia mo ona vosa.

Taniela 6:2

Na fakanofo loa e ia i lolatou ulu ni pule e toka tolu, ti na kau loa Taniela i ai, o tupu ke fakafelogoi kia latou e le kau aliki, a nea fuli o uiga mo lalatou pule, ti ke aua na i ai se nea leia e veli ki le puleaga.

Soele 3:6

Na kotou fakatau a fanau o Suta mo Selusalemi ki le kau Keleka O tupu ke fakamamao latou i lolatou fenua.

Amosi 2:6

Koia e folafola ai le Eteleno, o pati : O tupu ko agaveli e tolu a Iselaele, E fa foki, e leaise kau toe fetogi loa laku fakatotonu, Talie na lotou fakatau le tagata agatonu ki se paaga, Ti mo le tagata mativa ki se sa taka.

Luka 12:45

Kae, kapau e pati loa le tagata fakasausau lena i lona loto : E tuvai mai loku pule ; ti kapau e tamate loa e ia a tagata fakasausau mo fafine fakasausau, ti kapau e kai loa a ia mo inu ke kona,

Tetelonome 28:68

Ti e toe aumai loa a koe e le Eteleno i ni vaka ki Esipito, ti e ke toe fai ia loa le ala leia na kau pati atu kiate koe : ke aua na ke toe tio loa ki ai ! I lena, ko tagata mo fafine, e kotou fakatau loa koutou totonu ki okoutou fili ke popula, ti e leaise maua loa se tasi leia e fia totogi ia loa koutou.

Sosue 9:23

I le aso nei e kotou malaia loa, ti e leaise toe oki loa i se aso lakoutou nofo popula, o tuuti le fafie mo asu le vai ki le fale tapu o loku Atua.

Uluaki tosi a Samuele 22:23

Nofo mo au, aua na ke tuania fua se nea, talie ko leia e afa ki loku mauli, e toe afa foki ki lou mauli ; i oku tafa e puipui loa a koe.