Esitele 7:10 - Tosi Tapu

¹⁰ Ti na tautau loa a Amane ki le laakau leia na teuteui e ia kia Maletoseo. Ti na malu loa le ita o le sau.

Esitele 7:10 ပူးပေါင်းရင်းမြစ်များ

Senesi 40:22

kae na fakatotonu loa e ia ke tautau le pule pane ki se laakau. Na soko fuli loa a nea ala na fakasa e Sosefo.

Esitele 2:1

I le sili o nea ana, ti kua oki le ita o le sau ko Asuelusi, na manatu loa a ia kia Vaseti, mo le nea leia na fai e ia, ti mo le tonu leia na too kiate ia.

Esitele 5:14

Na pati loa Selesa, lana avaga, mo ona kaukaunea fuli kiate ia : Ke teuteui se laakau ke meta kau lua tupu fitu lona taualuga, ti ke kole loa ki le sau i apogipogi ke tautau i ai a Maletoseo ; ti o ke ano loa i le fiafia ki le kai mo le sau. Na malie le manatu lena kia Amane ti na fakatotonu loa e ia ke teuteui le laakau.

Esitele 7:7

Ti na tuu ake loa le sau ki aluga, i lona ita lasi, o mavae i le kai, ti na ulu loa a ia ki fafo ki le oloto o le fale sau. Na nofo loa Amane o kole ki le fafine sau ko Esitele ke soli ake kiate ia lona mauli, talie kua tio malie a ia kua fakatuutuu i le loto o le sau se veli kiate ia.

Esitele 7:8

I le toe liliu mai a le sau mei le oloto o le fale sau ki le kogafale o le kai, na tio loa a ia ki le oso a Amane ki le palepale leia na nofo ai Esitele, ti na pati loa a ia : Pe toe loto foki a ia ke fakamakekei e ia le fafine sau i oku mua, i loku fale sau ? I le temi fai leia na ulu mai ai le masau lena mei le gutu o le sau, na puloui loa a mata o Amane.

Esitele 8:7

Ti na pati loa le sau ko Asuelusi ki le fafine sau ko Esitele mo le Sutea ko Maletoseo : Ko leinei, kua kau soli kia Esitele le fale o Amane, ti kua tautau a ia ki le laakau o tupu ko lana falo lona lima ki le kau Sutea.

Esitele 9:14

Na fakatotonu loa e le sau ke fai ki ai. Ti na fakasa loa le lao lena i Suse. Ti na tautau loa ki le laakau a vosa e tino agafulu o Amane.

Esitele 9:25

Kae i le ano a Esitele ki mua o le sau, na fakatotonu loa e le sau i se tosi ke toe fakavilo ki le ulu o Amane le fakatuutuu veli leia na fai e ia ki le kau Sutea, ti ke tautau a ia ki le laakau, a ia mo ona vosa.

Sopo 18:8

Talie kua teki ona vae ki se kupega, Ti kua saele a ia i pu o le kupega.

Sopo 20:8

E lele loa a ia ofaipe se moe miti, ti e leaise toe maua loa a ia ; E puli noa loa a ia ofaipe se tio i le pouli ;

Pesalemo 37:15

Kae e ulu alatou seleta ki olatou mafu totonu, Ti e fatifati alatou gasau.

Pesalemo 7:16

E fakamavaa e ia se popoko, e kenu e ia a ia, Ti e vilo a ia ki le popoko leia na fai e ia.

Pesalemo 94:23

E fakavilo loa e ia kia latou lalatou agasala, E maumaui loa e ia latou ki lalatou agasala ; Io, e maumaui loa latou e le Eteleno, lotatou Atua.

Taagapati 11:27

E ifo le kalasia ki leia e afa ia le malie ; Kae ifo le malaia ki leia e tuli ia le veli.

Taagapati 11:8

E saofaki le tagata agatonu i le mamae ; Kae too e le tagata agaveli lona nofoaga.

Taagapati 26:27

Ko leia e kenu ia se popoko e vilo ki ai, Ti e toe teka le fatu ki leia na fulusi ia a ia.

Selemia 34:17

Koia e folafola le Eteleno, o pati : Na leaise kotou fakalogo kiate au, talie na tonu ke kotou fakalauatea lokoutou taina mo lokoutou oloi. Ko leinei, e pati le Eteleno, e kau fakasa kia koutou le tautea o le seleta, mo le taumasaki, mo le oge, ti e kau fakaliliu loa koutou ko se nea fakaii ki puleaga fuli o le kele.

Esekiele 5:13

E kau fagai loa ke makona loku sausau, ti e kau fakavilo loa loku sausau kia latou o kaku ki loku fimalie ; ti e lotou iloa loa ko au, le Eteleno, kua kau masau i loku sausau, o liligi kia latou loku mafaia.

Taniela 6:24

Na fakatotonu loa e le sau ke aumai ki ona mua a tagata ala na fakalakasala ia Taniela, ti ke ti latou ki le popoko o laione, latou mo alatou fanau ti mo alatou avaga ; ti na leikiaise lotou kaku ki le takele o le popoko, kae kua tapo latou e laione, o gugu olatou ivi fuli.

Taniela 6:25

I le sili o le nea lena, na fai loa e le sau ko Taliusi se tosi ki kakai fuli, mo puleaga fuli, mo tagata mei faasiga masau kesekese, ala na nonofo i le malama nei katoa : Ke soli atu kia koutou le tokamalie o lasi !

Sakalia 6:8

Ti na fetapa mai loa a ia kiate au, o pati : Tio, ko latou ala kua ano ki le fenua o le potu noleto e fakavilo ia loa loku sausau ki le fenua o le noleto.

Tuifakamaau 15:7

Na pati loa Samisoni kia latou : Pe ko lena lakotou fai ? Koi kau fimalie mo ka kau totogi ia loa kia koutou le nea leia na kotou fai kiate au.