Esitele 6:12 - Tosi Tapu

¹² Na toe liliu loa Maletoseo ki le matapa o le sau, kae na ano fakatavili loa Amane ki lona fale, kua uufi ona mata i le lasi o lona luma.

Esitele 6:12 ပူးပေါင်းရင်းမြစ်များ

Lua tosi a Samuele 15:30

Na pale loa Tavite ki le mauga o oliveto. Na pale tagi a ia, ti na pulou lona fa ulu, ti na saele kilii vae a ia ; ti na pulou foki a ulu o latou fuli ala na nonofo mo ia, ti na lotou pale fetagisi.

Lua tosi a Samuele 17:23

I le tio a Asitofele na leaise fakaaoga lana tokoi, na tuu loa a ia, o sopo ki lana asino o toe liliu ki lona kaiga i lona kolo. Na tuku loa e ia ana fakatotonu ki lona fale, ti na nonoa loa e ia lona ua o tautau. Ti na mate ai loa a ia, ti na tanu loa a ia i le tanuma o lona tamana.

Uluaki tosi o Sau 20:43

Na ano loa le sau o Iselaele ki lona kaiga i le loto mamae mo le loto itaita, ti na kaku loa a ia ki Samalia.

Uluaki tosi o Sau 21:4

Na ulu loa Akapo ki lona fale kua mafaia mo mamae, o tupu ko le masau leinei na fai kiate ia e Napote mei Siseleele : E leaise kau soli loa kiate koe le tofiga o oku tamana ! Ti na moe loa Akapo i lona palepale, o agaaga ki le paa, ti na leaise kai loa a ia.

Uluaki tosi o Sau 21:6

Na tali loa Akapo kiate ia : Na kau masau kia Napote mei Siseleele, ti na kau pati kiate ia : Tuku mai lau faisaga vite ke kau totogi paaga ; ti kapau e ke loto ki ai, e kau soli atu loa se tasi ake a vite ke fetogi ai. Kae na pati a ia : E leaise kau soli atu loa kiate koe laku faisaga vite !

Lua tosi o Koloniko 26:20

Na tio loa le tagata faisakilifisio lasi ko Asalia mo le kau tagata faisakilifisio fuli, ti ko leinei, na maua e ia se kilia i lona lae. Na lotou ave fakatavili loa a ia ki fafo, ti ko ia totonu foki, na toe fakatavili ke ulu ki fafo, talie kua tautea a ia e le Eteleno.

Esitele 2:19

I le fakatasii tua lua o taineliki, na tonatona Maletoseo i le matapa o le sau.

Esitele 6:11

Ti na too loa e Amane le kofu mo le osi, ti na fakakofu loa e ia ki ai Maletoseo, ti na fakaevaeva loa e ia a ia i le osi i le malae lasi o le kolo, ti na kalaga loa a ia i ona mua : E fai feneeki loa ki le tagata leia e loto le sau ke fakamauiga !

Esitele 7:8

I le toe liliu mai a le sau mei le oloto o le fale sau ki le kogafale o le kai, na tio loa a ia ki le oso a Amane ki le palepale leia na nofo ai Esitele, ti na pati loa a ia : Pe toe loto foki a ia ke fakamakekei e ia le fafine sau i oku mua, i loku fale sau ? I le temi fai leia na ulu mai ai le masau lena mei le gutu o le sau, na puloui loa a mata o Amane.

Sopo 20:5

E toetoe fua le malo a le tagata agasala, Ti e leaise fualoa le fiafia a le tagata agaveli ?

Sopo 9:24

Ka vilo se fenua ki lima o se tagata tukipo, E tapono e le Atua a mata o le kau tui fakamaau. Ti kapau e leaise ko ia, ti ko ai loa ?

Uluaki tosi a Samuele 3:15

Na moe loa Samuele o kaku ki le usu, ti na fakamavaa loa e ia a matapa o le fale o le Eteleno. Na tuania ia loa e Samuele ke fakamatala le nea leia na sa kiate ia kia Eli.