Esitele 5:3 - Tosi Tapu

³ Ti na pati loa le sau kiate ia : Kolea le nea kua soko kiate koe, fafine sau Esitele, ti kolea lau kole ? Kapau foki ko le vaelua o le puleaga, e soli atu loa a ia kiate koe.

Esitele 5:3 ပူးပေါင်းရင်းမြစ်များ

Uluaki tosi o Sau 2:20

Ti na pati loa Pate-Sepa : E i ai se nea e kau loto ke kole atu kiate koe : Aua na ke fakafiti mai a ia kiate au ! Ti na pati loa le sau kiate ia : Ei loku tinana, kole le nea leia e ke loto ki ai, talie e leaise kau fakafiti loa kiate koe.

Uluaki tosi o Sau 3:5

I Kapaone, na sa loa le Eteleno i se moe kia Salomone i le pouli, ti na pati loa le Atua kiate ia : Kole mai le nea leia e ke loto ke kau soli atu kiate koe.

Neemia 2:4

Ti na pati mai loa le sau kiate au : Kolea e ke kole ? Na kau faikole i le temi lena ki le Atua o le atu lagi,

Esitele 5:4

Na tali loa Esitele : Kapau e malie ki le sau, ti ke au le sau i le aso nei mo Amane ki le kai leia kua kau teuteui kiate ia.

Esitele 5:6

I le lolotoga inu o le vino, na pati loa le sau kia Esitele : Kolea lau kole ? E soli atu loa a ia kiate koe. Kolea e ke oli ki ai ? Kapau foki ko le vaelua o le puleaga, e ke maua loa a ia.

Esitele 7:2

Ko le lua aso lena, ti na toe pati loa le sau kia Esitele, i le lolotoga inu o le vino : Kolea lau kole, fafine sau Esitele ? E soli atu loa a ia kiate koe. Kolea e ke oli ki ai ? Kapau ko le vaelua o le puleaga, e ke maua loa a ia.

Esitele 9:12

Ti na pati loa le sau ki le fafine sau ko Esitele : Kua tamate e le kau Sutea i Suse, le kolo mua, ni tagata e tino lelau lima, ti mo vosa e tino agafulu o Amane ; kolea loa le nea kua lotou fai i la ake fenua o le sau ? Kolea lau kole ? E soli atu loa a ia. Kolea lou oli ? E ke maua loa a ia.

Maleko 6:23

Na toe fakapapau foki a ia kiate ia, o pati : Ko le nea leia e ke kole mai loa kiate au, tatau foki pe ko le vaelua o loku puleaga, e kau soli atu loa a ia kiate koe.

Luka 18:41

Na vesili loa Sesu kiate ia : Kolea e ke loto ke kau fai kiate koe ? Na tali loa a ia : Aliki, ke kau tio.

Gaoi 23:19

Ti na too loa e le pule solia le tupulaga i lona lima o taki kese, ti na vesili loa a ia kiate ia : Kolea le nea leia e ke fia fakasa mai kiate au ?