Esitele 5:14 - Tosi Tapu

¹⁴ Na pati loa Selesa, lana avaga, mo ona kaukaunea fuli kiate ia : Ke teuteui se laakau ke meta kau lua tupu fitu lona taualuga, ti ke kole loa ki le sau i apogipogi ke tautau i ai a Maletoseo ; ti o ke ano loa i le fiafia ki le kai mo le sau. Na malie le manatu lena kia Amane ti na fakatotonu loa e ia ke teuteui le laakau.

Esitele 5:14 ပူးပေါင်းရင်းမြစ်များ

Lua tosi a Samuele 16:21

Ti na pati loa Asitofele kia Apesalone : Ke ke ano ki fafine tinifu o lou tamana ala na tuku e ia ke leoleo ia le fale sau ; i le nea lena e iloa loa e Iselaele katoa kua ke vesia ki lou tamana, ti e fakamakeke ai loa a lima o latou fuli ala e nonofo mo koe.

Uluaki tosi o Sau 21:25

Na leaise tasi kua fakatau ia a ia ofaipe Akapo ke fai le nea leia e veli ki mata o le Eteleno, ti na fakamakeke a ia e Sesapele, lana avaga.

Uluaki tosi o Sau 21:7

Na pati loa Sesapele, lana avaga, kiate ia : Pe ko koe maoki leia e pule ki Iselaele i le lakaga nei ? Tuu ki aluga, o ke kai, ti ke fakafiafia lou loto ; ko au, e kau soli loa kiate koe le vite a Napote mei Siseleele.

Esitele 6:4

Ti na pati loa le sau : Ko ai i le malae ? Talie na au Amane ki le malae o le fale o le sau, ke kole ki le sau ke tautau Maletoseo ki le laakau leia na teuteui e ia.

Pesalemo 37:14

E too e le kau agaveveli alatou seleta, E lotou fafao alatou kalolo Ke fakavilo ki le kele le tagata mativa mo le tagata maimoa, Ke tamate latou ala e saele i le agatonu.

Pesalemo 37:32

E lamalama e le tagata agaveli le tagata agatonu, Ti e afa e ia ke tamate a ia.

Pesalemo 9:15

O tupu ke kau fakasa ou fakavikiviki fuli I matapa o le taine o Sione, Ti ke kau fiafia ki lou fakamauli.

Taagapati 1:18

Kae ko latou, e lotou fakatuu ni masele ki lolatou toto totonu ; E lotou lamalama fakafufu olatou laumalie totonu.

Taagapati 4:16

Talie e leaise lotou momoe, kae e leikiaise lotou fai le veli ; ti e puli le fia moe ia latou mo ka e leikiaise lotou fakavilo se tasi.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Loma 3:15

E lotou maua ni vae maamaa ki le liligi o le toto,

Apokalipisi 11:10

Ti e fiafia loa le kakai o le malama nei i le mate o tagata ana e toka lua, ti e lotou fiafia lasi loa, o feaveaki alatou nea alofa, talie na fakamamaei a kakai o le malama nei e polofeta ana e toka lua.