Esitele 4:4 - Tosi Tapu

⁴ Na ano loa a fafine fakasausau a Esitele mo lana kau enuke, o fakamatala kiate ia le nea lena, ti na mamae lasi loa i ai le fafine sau. Na kakau loa e ia ke ave ni kofu o fakakofu ki ai a Maletoseo ti mo tatala lona taga, kae na leaise tali e ia latou.

Esitele 4:4 ပူးပေါင်းရင်းမြစ်များ

Senesi 37:35

Ti na nake loa ona vosa fuli mo ona taineliki fuli o fakapelepelei a ia, kae na leaise tali loa e ia se fakafimalie e tasi. Na pati loa a ia : E kau tagi loa ki loku vosa o kaku ki le aso leia e kau fakatasi ai loa mo loku vosa i le nofoaga o le kau mate ! Ti na tagi a ia ki lona vosa.

Lua tosi o Sau 9:32

Na tagaki ake loa a Seu ki le katupa, o pati : Ko ai e kau mo au ? Ko ai ? Ti na faino loa ni enuke e toka lua pe toka tolu mei le katupa.

Esitele 1:12

Kae na leaise fia au le fafine sau ko Vaseti, i lana maua le fakatotonu a le sau i le kau enuke. Koia na itaita lasi ai loa le sau, ti na mea katoa loa a ia i lona ita.

Esitele 4:3

I le fenua taki tasi, mo ganea fuli ala kua kaku ki ai le fakatotonu a le sau mo lana lao, na i ai loa se mamae lasi i le kakai Sutea ; na lotou sesunio, mo fetagisi, mo tagi laulau, ti na momoe se toka api ki le taga mo le mugalafu.

Esitele 4:5

Ti na kakau loa e Esitele a Atake, ko se tasi o le kau enuke leia na tuku ake e le sau kiate ia, ti na tuku loa e ia kiate ia ke ano o vesili kia Maletoseo pe kolea le nea leia kua soko, ti kolea e fai felaaki ai a ia.

Pesalemo 77:2

E pale loku leo ki le Atua, ti e kau tagi ; E pale loku leo ki le Atua, ti e fakalogo mai loa a ia kiate au.

Esaia 56:3

Ke aua na pati le matapule leia e pipiki ki le Eteleno : E vaei loa au e le Eteleno i lona kakai ! Ti ke aua na pati le enuke : Ko leinei, ko se laakau malo au !

Selemia 31:15

E folafola le Eteleno, o pati : E logo ki ni tagi i Lama, Ki ni tagi laulau, ki ni loimata kona ; E tagi Lasele ana fanau ; Ti e leaise tali e ia ke fakapelepele a ia i ana fanau, Talie kua lotou pupuli.

Gaoi 8:27

Na tuu loa a ia ki aluga, o ano. Ti ko leinei, ko se tagata Etiopia, ko se enuke, minisi a Kanetase, fafine sau o Etiopia, na tokaga ki ona koloa fuli, ti na pale a ia ki Selusalemi o atolasio i le fale tapu,

Uluaki tosi a Samuele 8:15

E too loa e ia le kau agafulu vaega o fua o akoutou fakaili ti mo akoutou vite, ti e soli loa e ia a ia ki ana tagata fakasausau.